لاہور۔ 06جون (اے پی پی) گورنر پنجاب چوہدری محمد سرور پارینے کہ بنجائی و صوبائی بجٹ نا منظوری ٹی ہچ ءُ اڑاند اس اف ہڑتوم آ بجٹ آک آسانی اٹ منظور مریرہ، تحریک انصاف نا ہرباسک قومی و صوبائی اسمبلی وزیراعظم عمران خان و حکومت تون سلوک ءِ۔ زرگزرانی شونداری نا معاملہ غا سیاسی مخالف آک ای منپرہ نا پالیسی نا کنڈآ ہِننگ ءُ ولے آئی ایم ایف تون اوار غٹ جہانی ادارہ غاک پاکستان نا زرگزرانی شونداری و نموٹی ودکی ءِ امنا کننگ ءُ۔ یک شنبے نادے آ میڈیا تون گپ وتران اٹی گورنرپنجاب چوہدری محمد سرور پارے کہ پی ڈی ایم جماعت آک مہالوہم حکومت نا برخلاف جلسہ جلوس کرینو وداسہ ہم اگہ او سڑک آتیا بننگ خوارہ تو اوفتا مرضی ءِ ولے حکومت پورو وڑاٹ سوگو و مستحکم ء ِ ولے اپوزیشن تینٹ تفریق نا گواچی مسنے ننے اپوزیشن نا برانز آن ہچ ءُ خطرہ اس اف۔ اسہ سوج اسے نا ورندی ٹی گورنرپنجاب پارے کہ اپوزیشن ءِ مہالو ہم مشورہ ترساکرینٹ وداسہ ہم اودے پاننگ خواوہ کہ اوفتا برانزآن حکومت و وزیراعظم ہچ ءُ جاگہ اس ہنپک ہنداخاطرآن جوان مریک اپوزیشن سڑک آتیا برسا برانز کننگ نا جاگہ غا پارلیمنٹ نا تہہ ٹی تینا مثبت کڑد ءِ ادا کے و لس گچین کاری 2023نا انتظارءِ کے ولداالس تینا وونٹ انا طاقت اٹ انت کہ فیصلہ اس کیک اودے غٹ ءِ امنا کینہ
