فیصل آباد۔ 06جون (اے پی پی) وزیر مملکت حوالکاری وشینکاری فرخ حبیب پارینے کہ کوویڈ۔ 19نا سوب آن جہانی کہول آ پیدوار اٹی کمتی نا سوب آن مچ آ دنیا ٹی المی آ گڑاتا نہاد آتے ٹی 40درسد ودکی مس و دُن تو نن کنوئی آتیل، دال و چندی ایلو زند انا گرج انا غذائی گڑادرآمد کینہ ہنداخاطرآن اونا اثرپاکستان اٹی ہم نہاد آتیاتمک ولے اوکان پد ہم حکومت الس ءِ کبینی آن بچفنگ کن غٹ ممکن گام گیج کننگ ءِ وخت اس کہ اوڑآن چپ اپوزیشن مخلوق اٹ مایوسی تالان کننگ ءِ۔ اود ے مرے کہ او مخلوق ءِ اسل راستکی تیان معلومدار کے ولے (ن) لیگ و پی پی پی ناایجنڈاالس تون دروغ تڑسا تینا وڈی خوری آن چکار ءِ اسہ کنڈ کننگ ءِ، اوپارے کہ نن پوسکن آ مالی سال انا بجٹ اٹ سرکاری ملازم آتیا ہچ ءُ پوسکن ءُ خراج اس خلپنہ، اوفتا تنخواہ تے ودفنگک۔ داکان بیدس مسکوہی حکمرانک جند انا فائدہ کن آئی پی پیز آتون کبین آ بجلی نا معاہدہ و ملکی و درملکی انویسٹرآتے ڈالرآتے ٹی زرتسر ولے بجلی نا فراوانی نا نظام ءِ جوان جوڑ کتور ولے داسہ وزیراعظم عمران خان نا ویژن نا رداٹ ملکی زرگزران سہی وڑاٹ مون آ ہِننگ ءِ ہراڑآن الس ءِ زوت ریلیف ملک۔ یک شنبے نادے آ سرکٹ ہاؤس فیصل آباد اٹی میڈیا تون گپ وتران اٹی اوپارے کہ اقوام متحدہ نا بے شمار ذیلی ادارہ ءُ ہرافتا رپورٹ آک خاص ءُ اہمیت اس تخرہ و اونا فوڈ سیکورٹی نا بابت ادارہ فوڈ اینڈ ایگری کلچر آرگنائزیشن تدوک آ دے جاری کننگا۔ تینا حوال ہرا مچ آ دنیا نا غٹ بھلا بھلا اخبارآتے ٹی جوان انگا سرختی تے اٹ شینک مسنے پارے کہ کوویڈ۔ 19نا سوب آن مئی 2021ء ٹی مچ آ دنیاٹی کنوئی آ گڑاتا نہادآتے ٹی 40درسد، ڈیری ٹی 28درسد، سُواٹی 10درسد، شوگراٹی 57درسد ولے پاکستانی فوڈ کنزیومرپرائس انڈیکس اٹ 9درسد ودکی مسنے ہرانا پیدوار اٹ کمتی و خواست اٹ ودکی ءِ انتئے کہ کوویڈنا سوب آن پیدواری سرجزآک بھاز بے وڑ زہمی مسنو ہرافتا سوب آن جہانی کہول آ المی آ گڑاتا نرخ ودانے۔ اوپارے کہ پاکستان ملکی گرج آتے پورو کننگ کن بھلو کچ اسے ٹی کنوئی آتیل، دال و پین گڑادرآمد کیک ہنداخاطرآن ہراتم جہانی مارکیٹ اٹ نہادآک ودرہ تو اونا اثر پاکستان آہم تمک ولے ولداہم نن کم آن کم بھاریم صارف آتسکان پاس کرین۔ اوپارے کہ جہانی کہول آ کنوئی آ تیل انا نہاد اٹی 124درسد، بورہ ٹی 57درسد، سرلزاٹ 37درسد و جم فوڈ انڈیکس اٹ 40درسد ودکی مس ولے اوڑآن چپ نن نہادآتے ودفنگ کن ہلیتون۔
