میرعلی/شمالی وزیرستان۔06جون (اے پی پی) وزیرداخلہ شیخ رشید احمد پارینے کہ ملک اٹی امن اٹ فرنٹیئر کور نا کڑد بھاز اہم ءِ۔ داخیال آتا درشانی ءِ او ایف سی کے پی (ساؤتھ) نا 29می ریکروٹس کورس انا سالانہ پاسنگ آؤٹ نا دود آن تران کرسا کرے، پاسنگ آؤٹ نا دود سکاؤٹس ٹریننگ اکیڈمی میرعلی، شمالی وزیرستان اٹی اڈہلک، دود اٹی وزیرداخلہ شیخ رشیداحمد بطور مہمان خاص بشخ ہلک۔ وزیرداخلہ شیخ رشید احمد پاسنگ آؤٹ پریڈ نا معائنہ ءِ کرے و دوداٹی بشخ ہلوک آتیان تران کرے، اوبڑزکو کارکڑد نشان تننگ آ ریکروٹ آتے ٹی انعام ہم بشخا، وزیرداخلہ شیخ رشید احمد تینا تران اٹی پاس مروک آ ریکروٹ آتے مبارکبادی تس، پاکستان نا فوج انا بشخ مننگ آ ریکروٹ آتے خراج تحسین پیش کرے۔ وزیرداخلہ پارے کہ ملک اٹی امن اٹ فرنٹیئرکور (ساؤتھ) نا کڑد بھازاہم ءِ، دہشت گردی نا برخلاف جنگ اٹ الس وپاک فوج بے مٹ قربانی تسنو، وزیرداخلہ پارے کہ جنگ انا شہید آتے خراج تحسین پیش کیوہ۔
