اسلام آباد۔ 06جون (اے پی پی) خراج گوشوارہ جمع کرفنگ نا شرح خراج سال 2020ء ٹی 11.4درسد ودا۔ فیڈرل بورڈ آف ریونیو(ایف بی آر) نا غیرحتمی حساب وکتاب نا رداٹ داٹی گوشوارہ غاتون خراج کٹیاتیٹی 55درسد ودکی مسنے۔ حوال نارداٹ خراج سال 2019ء ٹی 2.63ملین خراج گوشوارہ جمع کرفنگاسس وخت ا س کہ خراج سال 2020ء ٹی 2.93ملین خراج گوشوارہ جمع کرفنگانے۔ ہنداوڑ خراج سال 2019ء نا مقابلہ ٹی خراج سال 2020ء ٹی خراج گوشوارہ جمع کرفنگ نا کچ اٹی 11درسد آن زیات یعنی 0.3ملین نا ودکی ریکارڈ کننگانے۔ حوال نا رداٹ خراج سال 2020ء ٹی خراج گوشوارہ غاتون 52ارب روپئی نا خراج ادائیگی ہم کننگانے وخت اس کہ خراج سال 2019ء ٹی داٹی 34ارب روپئی نا خراج وصولی مسوسس۔ ہنداوڑ خراج سال 2019ء نا مقابلہ ٹی خراج سال 2020ء ٹی خراج گوشوارہ غاتون خراج کٹیاتیٹی 18 ارب روپئی یعنی 52درسد نا نمان ودکی ریکارڈ کننگانے۔

متعلقہ مضامینمصنف کی طرف سے مزید