اسلام آباد۔ 05جون (اے پی پی) چین نا صدر شی جن پنگ جہانی یوم چاگڑد 2021ء نا سرسہب مہمانداری ءِ کننگ آ پاکستان نا حکومت و الس ءِ مبارکبادی ترسا پارینے کہ چاگڑد نا بشخ انا شونداری کن اواری اٹ کاریم کننگ نا عزم ظاہرکرینے۔ ہفتہ نادے آ جہانی یوم چاگڑد نا دود اٹی پاکستان اٹ چین نا سفیر صدر شی جن پنگ نا کلہو ءِ خوانسا بنفے۔ وزیراعظم عمران خان،وزیرآک، پارلیمنٹ نا باسک آک، درملکی سفارتکار، ماہرین چاگڑد و ایلو بڑزکو کمامدارآک ہم داوخت آ ساڑی ئسر۔ چینی صدر جہانی یوم چاگڑد نا پاکستان نا مہمانداری ٹی سرسہب اڈتننگ و اقوام متحدہ نا دہائی بحالی ایکو سسٹم 2021تا2030انا بناناستاءِ کرے۔ اوپارے کہ تہذیب آتا شونہالی کن قدرتی چاگڑد تون پائیدار تعلق جوڑ کننگ نا گرج ءِ۔ دابابت جہانی برادری ءِ زموارانہ کڑ د اداکروئی مریک۔
