اسلام آباد۔ 24مارچ (اے پی پی) بنجائی وزیر داخلہ چوہدری نثارعلی خان تون سیکرٹری خارجہ تہمینہ جنجوعہ اوڑدہی کرے۔ ترجمان وزارت داخلہ نا رداٹ اوڑدہی ٹی وزیر داخلہ چوہدری نثارعلی خان پوسکن آ سیکرٹری خارجہءِ اہم زمواری تا سنبھالنگ آ مبارکبادی تس۔ وزیر داخلہ پارے کہ ساڑی آ دوراٹی پاکستان ءِ تہہ نا و پیشن نا وڑاٹ کیہی چیلنج آک مون تروک ءُ و ای اومیت کیوہ کہ پیشن نا محاذ آ مون تروک چیلنج آتا مقابلہ ءِ کننگ، جہانی دنیا ٹی پاکستان نا تشخص ءِ تالان کننگ و علاقائی و جہانی معاملہ غاتیا پاکستان نا موقف ءِ گچین وڑاٹ اقوام عالم ءِ سرکننگ اٹی نی تینا لائخی تے پبی کاریم اٹ اتسا تینا کڑدءِ ادا کیسہ۔ اوپارے کہ پیشن نا دنیا ٹی رہینگوک آ پاکستانی کمیونٹی ملک انا اہم ءُ میرات ءُ، اوفتا ویل آتا ایسر ی ننا بایدے اولیت مرے۔ وزیر داخلہ مسکوہی سیکرٹری خارجہ اعزاز چوہدری نا کارکڑد انا ستاءِ کرے۔
