پاکستان ءِ فضائی کچٹی آن پاک کننگ و شاری تے رہینگ انگ کن جان جوڑ چاگڑد اس فراوان کننگ ساڑی حکومت نا اولیت آتے ٹی اوار ءِ، اسپیکر قومی اسمبلی اسد قیصر وڈپٹی اسپیکر قاسم سوری

اسلام آباد۔ 05جون (اے پی پی) اسپیکر قومی اسمبلی اسد قیصر وڈپٹی اسپیکرقاسم خان سوری ئسک پارینو کہ پاکستان ءِ فضائی کچٹی آن پاک کننگ وشاری تے رہینگ انگ کن جان جوڑ چاگڑداس فراوان کننگ ساڑی حکومت نا اولیت آتے ٹی اوار ءِ،م کلین گرین پروجیکٹ و بلین ٹری سونامی کون آ ڈٹ آک چاگڑدی کچٹی ءِ توننگ اٹ مزل نا نشان مریرہ۔ پاکستان کن دا گمرنا ہیت اسے کہ تاریخ اٹ اولیکو وارپاکستان جہانی یوم چاگڑد نا مہمانداری ءِ کننگ ءِ۔ ہفتہ نادے آ یوم چاگڑد نا وخت آ تینا کلہو اٹی اسپیکر اسد قیصر پارے کہ جہانی دنیا امنا کرینے کہ پاکستان چاگڑد ءِ گچین کننگ کن جوان ءُ گام گیج کرینے، فضائی کچٹی اسہ بھلو ویل اس جوڑ مسنے ہراڑتون مون تننگ کن قومی صوبائی وہندی کہول آ گام گیج کننگ نا گرج ءِ۔ داچرجوئی ٹی پارلیمنٹ نا باسک آک و پارلیمان نا کڑد بھاز اہمیت تخک۔ اسپیکر قومی اسمبلی پارے کہ انتئے کہ اوپالیسی ساز ءِ وہموعملدرآمد نا کہول آ پالیسی تا جانچ پڑتال ءِ کیک۔ پائیدار شونداری ناہدف (ایس ڈی جیز) نادستخطی مننگ نا ناطہ پاکستان ءِ کچٹی آن پاک چاگڑد اس فراوان کننگ ننازمواری ءِ،لاہور، پشاور وکراچی کون آ پاکستان نا بھلا شارتے ہرسال گوتلوتون مون تروئی تمک، ہراناقص تہوانا آب وفضائی کچٹی ٹی ودکی نا سوب مننگ ءِ۔ ڈپٹی اسپیکر قومی اسمبلی پارے کہ کلین گرین پاکستان و بلین ٹری سونامی دانا شاہدی ءِ، چاگڑد ءِ ساف تخنگ حکومت و الس نا اسیجائی زمواری ءِ، الس تینا اُراتے ٹی درخت و باغ خلیر تانکہ ملک ءِ چاگڑدی کچٹی آن پاک کننگ مرے۔