اسلام آباد۔ 05جون (اے پی پی) چاگڑدنا رکھ اکن کاریم کروک آ اقوام متحدہ نا ادارہ غاک چاگڑدی بدلی تا مضراثرآتے کم کننگ و ایکو نظام نا بحالی کن پاکستان نا گام گیج آتا ستاءِ کرسا قدرتی چاگڑدنارکھ اکن اسیجائی جہانی کوشست آتا گرج آ زور شاغانو۔ جہانی ادارہ غاک چاگڑدی رکھ اکن پاکستان ناحکومت نا عزم و گام گیج آتا ستاءِ کرینووپارینو کہ داڑآن ملک اٹی قدرتی چاگڑد و آبگاہ تا رکھ اٹ کمک رسینگک۔ داہیت ءِ چاگڑد وچاگڑدی بدلی تا بابت کاریم کروک آ اقوام متحدہ نا ادارہ غاتا عہدیدارآک پاکستان نا مہمانداری ٹی جہانی یوم چاگڑدناوخت آ میگاورچوئل گالاٹی تینا کلہوآتے ٹی پارینو۔ ہفتہ نادے آ چاگڑد نا جہانی دے انا وخت آ میگا ورچوئل گالاکنونشن سینٹر اٹ اڈہلک۔ گالانا اولیکو سیشن نا کماشی ءِ بنجائی وزیر ماحولیات ملک امین اسلم وخت اس کہ مہمانداری نا فرض ءِ سینیٹر فیصل جاوید اداکرے۔ سیشن نا بناء آ بشخ ہلوک آتے بخیراٹ پارسا سیکرٹری وزارت موسمیاتی بدلی ناہید ایس درانی پارے کہ ننکن داخوشی و گمرناہیت اسے کہ پاکستانی جہانی یوم چاگڑد نا مہمانداری ءِ کننگ ءِ داچاگڑدنا رکھ و موسمیاتی بدلی نا بابت پاکستان نا کوشست و گام گیج آتا امنائی ءِ۔ اوپارے کہ پاکستان تیناوسیلہ غاتیان چاگڑدنا رکھ اکن گام گیج کرینے، مشکل چیلنج آتیان پد ہم وزیراعظم عمران خان سرسوزو شاداب ایجنڈا ءِ مرکزی حیثیت تسنے۔ سیکرٹری پارے کہ پاکستان قدرتی چاگڑدنا رکھ، جنگل آتا رقبہ ٹی ودکی، چاگڑد دوست زرگزران و روزگار، آبگاہ تا رکھ و زالبول وورناتتون اوار ملکی آبادی ءِ روزگارنا فراوانی کن جامع ومربوط پروگرام مرتب کرینے۔
