اسلام آباد۔ 05جون (اے پی پی) بنجائی وزیر حوالکاری وشینکاری چوہدری فواد حسین پارینے کہ کرہ ارض آ رہینگوک آ ہرانسان ءِ چاگڑد دوستی نا فرض ءِ ادا کروئی مریک، وخت انا توار ءِ کہ انسانیت جہانی سیوت کرسا چاگڑد ءِ رکھ کے، ودوک آ جہانی درجہ حرارت، جنگل آتے ٹی کمتی، گلیشیئرآتا دیر مننگ بھلوخطرہ ءُ۔ عمران خان اول چاگڑد دوست وزیراعظم ءِ و جہانی تحریک اس چلیفنگ ءِ، وزیراعظم نا چاگڑد ءِ گچین کننگ، درخت خلنگ نا کوشست آتے جہانی کہول آ امنا کننگانے۔ ہفتہ نادے آ جہانی یوم چاگڑد نا وخت آ تینا کلہواٹی بنجائی وزیر حوالکاری پارے کہ وزیراعظم عمران خان ورناو دنیا ءِ احساس ترفنگ ءِ کہ چاگڑد ءِ گچین کننگ اخس المی ءِ۔اوپارے کہ پاکستان اٹ اولیکو وار شجرکاری و چاگڑددوستی ءِ پالیسی کہول آ داخہ چکار و خواری اٹ مون آ دننگ انگ ءِ۔ داچرجوئی برجاسلیس تو پاکستان اٹ چاگڑدی بشخ اٹ نمان نتیجہ نظر بریک۔ اوپارے کہ داسال چاگڑدنا جہانی دے انا مہمانداری نا شرف پاکستان ءِ ملنگ دراصل پاکستان نا چاگڑد دوست گام گیج آتا جہانی کہول آ امنائی ءِ۔ اوپارے کہ جہانی ادارہ غاک پاکستان نا چاگڑد نا بابت عزم انا است انا حب اٹ ستاءِ کرینو۔
