اسلام آباد۔ 05جون (اے پی پی) قومی احتساب بیورو نا ایگزیکٹیو بورڈ انا دیوان قومی احتساب بیورو نا چیئرمین جسٹس جاوید اقبال نا کماشی ٹی نیب ہیڈکوارٹر اسلام آباد اٹی مس۔ دیوان اٹی حسین اصغر، ڈپٹی چیئرمین نیب، سید اصغرحیدر، پراسیکوٹر جنرل اکاؤنٹبلیٹی نیب، ظاہر شاہ، ڈی جی آپریشنز نیب و ایلو سینئر آفیسر آک دیوان اٹی بشخ ہلکر۔ نیب انا دا متکن آ پالیسی ءِ کہ نیب انا ایگزیکٹیو بورڈ انا دیوان نا بارواٹ سرجم آتے الس ءِ فراوان کننگے ہرا وڑ وڈول تدوک آ کیہی سال آن رواج ءِ ہرانا مسخت کس اسے نا است آزاری کننگ اف۔ نیب اسہ انسان دوست ءُ ادارہ اسے ہراکانود نا رداٹ ہر بندغ نا عزت نفس نا شرف ءِ کننگ آ سختی اٹ یخین تخک۔ نیب انا غٹ انکوائری و انوسٹی گیشن پاننگوک دوبہ غاتابنداو آ بناکننگک ہراکہ حتمی مفک۔ نیب کانود نا رداٹ غٹ تعلقدار بندغ آتیان اوفتا موقف ءِ معلوم کننگ آن پد پین جاست وپاست کننگ یاکپننگ نا فیصلہ ءِ کیک تانکہ انصاف نا غٹ خواست آتے پورو کننگے۔ قومی احتساب بیورو نا ایگزیکٹو بورڈ انا دیوان اٹی 10انکوائری تا منظوری ءِ تننگا۔ ہرافتے ٹی خواجہ سعد رفیق،مسکوہی بنجائی وزیر ریلوائی، پاکستان ریلویزنا آفیسر،کارندہ و ایلوفک، مظفرعلی رانجھا، مسکوہی ڈی جی اینٹی کرپشن پنجاب، نورالامین مینگل مسکوہی ڈی سی اوفیصل آباد،ہائی ویز ڈیپارٹمنٹ فیصل آباد نا آفیسر،کارندہ،سٹی ڈسٹڑکٹ حکومت فیصل آباد نا آفیسر،کارندہ، میسرزیڈ کے بی ریلائیبل و ایلوفک، چوہدری شیر علی مسکوہی میئر، مسکوہی باسک قومی اسمبلی فیصل آباد، محمد امین چوہدری مسکوہی ڈپٹی کمشنر فیصل آباد، میاں انجم محمد سلیم، محمد سلیمان، عمران شیرعلی، ایف ڈی اے نا آفیسر، کارندہ و ایلوفک، خواجہ فرید یونیورسٹی رحیم یارخان نا آفیسر، کارندہ، چیف سیکرٹری پنجاب وپنجاب ایجوکیشن فاؤنڈیشن وہاڑی نا آفیسر، سیکرٹری ایکسائز اینڈ ٹیکسیشن، ایکسائز اینڈ ٹیکسیشن رحیم یارخان نا آفیسر، کارندہ، یونائیٹڈ ایتھانول انڈسٹریزصادق آبادنا انتظامیہ وایلوفک، آفیسرز، آفیشلزسی اینڈ ڈبلیو، ڈیپارٹمنٹ نا آفیسر، کارند ہ و ایلوفک، لائیو اسٹاک ڈیپارٹمنٹ ملتان نا آفیسر، کارندہ و ایلوفک، مہرارشاد احمد خان باسک قومی اسمبلی وایلوفتا برخلاف انکوائری نا منظوری اوار ءِ۔
