اسلام آباد۔ 05جون (اے پی پی) پاکستان مقبوضہ جموں و کشمیر اٹی بھارتی کوزہ گیر فورس آتا غیرکانودی کوزہ ٹی بے پناہ بیدادی اٹ ورناکشمیری محمدامین ملک نا خون نا ترندی اٹ مذمت ءِ کرسا پارینے کہ بے گناہ کشمیری تا برخلاف وحشیانہ واک اناکاریم اٹ اتنگ کشمیری الس نا رواحق خودارادیت نا جہد ءِ توننگ کپک۔ ہفتہ نادے آ ترجمان دفترخارجہ پارے کہ بھارتی کوزہ گیر فورس جنوری 2021آن پد آن داتم اسکان پن انا، سیکورٹی آپریشن“ نا پن آ جعلی مقابلہ غاتے ٹی 50بے گناہ کشمیری شاری تے شہید کرینے۔ نابالغ چناتے تون اوار ورناتے بیدردی اٹ کسفنگک۔ کشمیری ورناتا نظربندی ہم بے روک ٹوک آن برجاءِ وخت اس کہ جہہ جاگہ کن شہید آتا میت آتے پدی تننگ آن نمن مننگ بھارتی حکومت نا اخلاقی خواتہ مننگ نا شاہدی ءِ۔ پاکستان اسہ وارولدا جہانی برادری آن خواست کرینے کہ او کشمیراٹ انسانی حق انا بھلا و منظم خلاف ورزی تیکن بھارت ءِ زموار گوند ے و اقوامتحدہ نا کونسل نا تعلقدار قرارداد و کشمیری الس نا استخواہی تا رداٹ تنازعہ جموں وکشمیر نا پرامن ایسری کن کاریم کے۔
