اسلام آباد۔ 05جون (اے پی پی) صدر مملکت ڈاکٹر عارف علوی بینک انا بدانتظامی نا برخلاف غاو آ بینکنگ محتسب نا کنڈآن جوان کارروائی کپننگ آ ترندی نا درشانی ءِ کرسا معاملہ غا کانود وانصاف نا خواست آتے پورو کننگ نا پرمان کرینے۔ ایوان صدر نا میڈیا ونگ انا رداٹ لاہور نا ہنکینی زالبول روبی انوار حبیب بینک اٹ تینا اکاؤنٹ آن 140000روپئی نا زر بیدس موکل آن گدریفنگ و بینک انا بدانتظامی آ کارروائی مفننگ نا غاوکرے۔ اوبینکنگ محتسب ءِ تینا غاواٹ پارے کہ تعلقدار بینک انا مون آ دابدانتظامی نا معاملہ ءِ ہرفنگا ولے اودے ہچ ءُ ریلیف اس تننگتو۔ بینکنگ محتسب جوان جاست وپاست آن بیدس و غاو تروک آتے بِننگ آن بیدس کیس ءِ بند کرے ہراڑآ غاوتروک آ بینکنگ محتسب نا فیصلہ نا برخلاف صدر مملکت ءِ اپیل کرے۔

متعلقہ مضامینمصنف کی طرف سے مزید