اسلام آباد۔ 05جون (اے پی پی) وزیر مملکت حوالکاری وشینکاری فرخ حبیب پارینے کہ چاگڑدی بدلی نا بابت عملی گام گیج آتیان وزیراعظم عمران خان گلوبل لیڈرناوڑاٹ مون آبسنے، اسہ ارب درخت خلنگ نا چیلنج ءِ پورو کننگ آن پد داسہ 10ارب درخت خلنگ ناچیلنج ءِ ہم پورو کینہ۔ ہفتہ نادے آ تینا ٹویٹ اٹی وزیر مملکت حوالکاری وشینکاری فرخ حبیب پارے کہ داسال جہانی چاگڑدی دے انا مہمانداری ءِ ہم پاکستان کننگ ءِ۔ اوپارے کہ گرین ڈپلومیسی دنیا تون تعلقداری نا پوسکن ءُ کسر جوڑ کننگ ءِ۔ پاکستان اٹ کلین انرجی و ڈیم جوڑ کننگ کن اولیکو 500ملین ڈالر گرین یورو بانڈ فنانسنگ ہم منظور مسنے۔ ورلڈاکنامک فورم، بون چیلنج تون اوار جہانی چاگڑدی فورم پاکستان نا پذیرائی ءِ کننگ ءِ۔
