اسلام آباد۔ 05جون (اے پی پی) نیشنل یونیورسٹی آف میڈیکل سائنسز(نمز) چاگڑدی انحطاط نا سوب جوڑ مروک آ ہرگڑاءِ کاریم اٹ اتپننگ نا عزم کرسا ”زیروویسٹ کیمپس“ مننگ نا اہم ءُ گام اس ہرفینے، داچرجوئی ٹی ویسٹ مینجمنٹ نا بابت ”فائیو آر“ نا حکمت عملی اس اختیار کننگانے۔ داگام گیج جہانی یوم چاگرڈ تون ہم گرنچ ءِ ہرااینو مچ آ دنیا ٹی اڈتننگ انگ ءِ۔ امریکہ، برطانیہ و آسٹریلیا ٹی کیہی پنی آ جامعہ غاک مہالوآن ہی ”زیروویسٹ کیمپس“ جوڑ مسنو۔ چاگڑدی کچٹی ٹی کمتی نا رداٹ فائیو آرحکمت عملی”کمتی، دُوارہ کاریم اٹ اتنگ، ری سائیکل، بوسیدگی و شعور بیداری“ نا بارواٹ ءُ۔ فیکلٹی آف سوشل سائنسز اینڈ ہیومینٹز نا ڈین ہفتہ نادے آ داڑے جاری بیان اٹی پارے کہ پاکستان”فائیو آر“ نا بابت 2009ء ٹی ”تھری آر”(ریڈیوس،ری یوز اینڈ ری سائیکل) کمیونٹی نا اولیکو باسک جوڑ مسنے ہراتم ڈیہہ ٹی گیشتر کمکاری کن جاپان نا سلاہ آ ایشیاٹی ریجنل تھری آر فورم ءِ جوڑ کننگاسس ولے ننے ادارہ جاتی و انفرادی ہڑتوم آ کہول آ چاگڑدی انحطاط نا سوب مروک آ سوب آتا توننگ کن گام گیج کرسا بحیثیت راج بھاز گڑا کننگ نا گرج ءِ۔
