اسلام آباد۔ 05جون (اے پی پی) بنجائی وزیر داخلہ شیخ رشید احمد قطبی وزیرستان نا علاقہ میران شاہ ٹی اولیکو پاسپورٹ آفس نا بناءِ کرے، ہفتہ نادے آ قطبی وزیرستان نا دورہ ٹی وزیرداخلہ ءِ میران شاہ ٹی علاقہ نا ویل آتیا حوال ہم تننگا۔ وزیرداخلہ علاقہ کن نادرا نا اِراموبائل وین فراوان کننگ نا ہم قول کرے۔ اوپارے کہ مرمرانگاعلاقہ غاتا الس داموبائل وین تیان فائدہ ہرفنگ کیرہ۔ وزیرداخلہ پارے کہ انگوراڈہ تون اوار ایلو علاقہ غاتے ٹی ہم پاسپورٹ آفس جوڑ کینہ، پاسپورٹ ونادرا دفترآتے ٹی میرٹ آ ہندی مخلوق ءِ بھرتی کینہ، نادرا دفترآتے ٹی زالبول ءِ تربیت ترسا بھرتی کننگے۔

متعلقہ مضامینمصنف کی طرف سے مزید