اسلام آباد۔ 04جون (اے پی پی) وزیراعظم عمران خان ہری پوراٹی سیل و سوات نا مون آ دننگ، کم خڑچ ہنکین نا فراوانی و ڈیجیٹل سٹی نا جوڑ کننگ کن ڈٹ آتا سلاہ تا ستاءِ کرسا پارت کرینے کہ ڈٹ آتے تخوک آ مد اٹ پورو کننگے۔ جمعہ نادے آ وزیراعظم عمران خان تون بنجائی وزیر اقتصادی امور ڈویژن عمرایوب خان، اکبرایوب خان، ارشد ایوب خان و یوسف ایوب خان ئسک اوڑدہی کریر۔ داوخت آ اوڑدہی ٹی سینیٹر فیصل جاوید ہم ساڑی ئسک۔ اوڑدہی ٹی وزیراعظم ءِ ہری پور اٹی برجاڈٹ آتیا پیش رفت و سلاہ ئی شونداری ڈٹ خاص وڑاٹ کھلابٹ ءِ ماڈل ٹاؤن اس جوڑ کننگ نا ڈٹ آن معلومدار کننگا۔ وزیراعظم ءِ ہری پور اٹی ہیلتھ کارڈ انا السی پزیرائی آن ہم معلومدار کننگا۔ اوڑدہی ٹی وزیراعظم پی ٹی سی ایل و ٹیلی کمیونیکشن انڈسٹریز پاکستان نا ملازم آتا ویل آتے زوت ایسر کننگ نا پارت جاری کرے۔ وزیراعظم ہری پور اٹی سیل و سوات ءِ مون آ دننگ، کم خڑچ ہنکین نا فراوانی و ڈیجیٹل سٹی نا جوڑ کننگ کن ڈٹ آتا سلاہ نا ستاءِ کرے و برجاڈٹ آتے تخوک آ مد اٹ پورو کننگ نا پارت جاری کرے۔
