اسلام آباد۔ 04جون (اے پی پی) وزیر مملکت حوالکاری وشینکاری فرخ حبیب پارے کہ بلاول صاحب، پائے کہ داتم اسکان اخس ویکسین ہلکونو، بنجاسندھ حکومت ءِ این ایف سی ایونا مد اٹ 1600ارب تس اوفتے انت کاریم اٹ ایسور، بلاول تو عمران خان نا منت واری ءِ بایدے ہرفے ہرا احساس ایمرجنسی کیش انا 35درسد سندھ انا الس ءِ تس، بلاول پائے کہ داتم اسکان اونا سندھ حکومت کوویڈ ریسپانس کن انت کارنامہ اس سرتس۔ جمعہ نادے آ بلاول زرداری نا بیان آ تینا ردعمل اٹ پارے کہ سندھ حکومت کوویڈ ریسپانڈ کن 5 ارب نا ہرا فنڈ آتے جتا کرے اوہراڑے خڑچ مسر، بلاول صاحب، نی تینا سلاہکار ءِ بدل کہ ہرانے سچ انا جاگہ غا دروغ پاننگ ءِ۔ اوپارے کہ وزیراعظم عمران خان نا کوویڈ۔ 19تون مون تننگ کن جم حکمت عملی، سمارٹ لاک ڈاؤن پالیسی ءِ جہانی ادارہ جان جوڑی تون اوار مچ آ دنیا ٹی ستاءِ کننگ انگ ءِ۔ اوپارے کہ بنجائی حکومت نا کوشست آتیان داتم اسکان مچ آ ملک اٹی 79لکھ 52ہزار 574خور تننگانے، کوویڈ۔، 19تون مون تننگ کن آکسیجن نا پیدوار ءِ ہڑدے ئی پیدوار 400آن 800میٹرک ٹن اسکان ایسونن، دا66درسد ودکی ءِ، ہڑدے ئی ٹیسٹ آتا لائخی 50ہزار اسکان سرمسنے۔
