اسلام آباد۔ 04جون (اے پی پی) وزیراعظم عمران خان جمعہ نادے آ لودھراں۔ملتان شاہراہ نا اپ گریڈیشن و بحالی نا ڈٹ انا بنداو ءِ تخا۔ دا ڈٹ کراچی، لاہور، پشاور قومی شاہراہ این5نا اہم ءُ سیکشن اسے۔ 62کلومیٹر مرغن شاہراہ نا گچینی آ 6 ارب 88 کروڑ 60لکھ روپئی خڑچ بریک و این ایچ اے 2سال اٹی دادے پورو کیک۔ دا ڈٹ ہراڑے مواصلات نا رداٹ اہم مزل نا نشان نا حیثیت تخک ہموڑے دا شاہراہ نا گچینی آن سویلی پنجاب اٹی شونداری نا پوسکن ءُ بشخ اس روشنامریک۔ ڈٹ انا پوروی آ لودھراں۔ ملتان نا نیام اٹ ٹریفک بیدس اڑاند آن برجاسلک۔ زرگزرانی و معاشرتی سرجزآتے مون آ دننگ دوئی مریک و روزگار نا وارخواہی فراوان مریک۔ دا ڈٹ دااعتبار اٹ ہم خاص اہمیت تخک کہ جغرافیائی اعتبار اٹ داسڑک ملک انا کم و ود مرکز اٹ واقع ءِ و صوبہ بلوچستان نا کنڈآہم رسینگ فراوان کیک۔
