اسلام آباد۔ 04جون (اے پی پی) وزیر خارجہ شاہ محمود قریشی پارینے کہ سویلی پنجاب عمران خان نا قلعہ ئس، ارے و مریک، سویلی پنجاب نا الس کن جتا ءُ صوبہ اس و سیکرٹریٹ اسے نا جوڑ کننگ آن پاکستان نا بنجاسوگو مریک، بروک آ چینک داڑآن فائدہ ہرفرہ، داڑآ وزیراعظم نا سویلی پنجاب نا الس نا کنڈآن منت واری ءِ ہرفنہ۔ داخیال آتا درشانی ءِ او جمعہ نادے آ داڑے لودھراں آن ملتان شاہراہ نا اپ گریڈیشن و بحالی نا ڈٹ انا بنداو نا دود آن تران کرساکرے۔ بنجائی وزیر پارے کہ لودھراں۔ملتان موٹروے آن 3شار و 4گچین کاری حلقہ فائدہ ہرفرہ۔ داہرچار آ نشست آتے تحریک انصاف دوئی کرینے،سویلی پنجاب عمران خان نا قلعہ ئس، ارے و مریک۔ سویلی پنجاب نا الس کن جتا ءُ صوبہ وسیکرٹریٹ اسے نا جوڑ کننگ چنکو وڑاناس اف، داوڑناکاریم دہائی تیٹی ہم مفک۔ داکاریم آن ہراڑے سویلی پنجاب نا الس ءِ بے پناہ فائدہ دوئی مریک ہموڑے پاکستان نا فیڈریشن سوگو مریک، داپاکستان نا خذمت مریک۔ وزیرخارجہ پارے کہ داگام گیج ننا بروک آ چین تیکن ءِ۔ پاکستان تحریک انصاف نا ورکرمننگ نا ناطہ خوشی ءِ کہ تحریک انصاف نا دور اٹی مننگ ءِ۔ اوپارے کہ کس اسے نا گمان اٹی ہم الوکہ کہ سویلی پنجاب نا الس کن ملازمت آتے ٹی جتا ءُ کوٹہ اس مریک و سرکاری بشخ انا شونداری پروگرام ہم جتااٹ مریک۔ داڑآ سویلی پنجاب نا الس نا کنڈآن وزیراعظم نا منت وار اُن۔
