اسلام آباد۔ 24مارچ (اے پی پی) وزیر مملکت جان جوڑی سائرہ افضل تارڑ پارینے کہ سی پیک ڈٹ انا پوروی آن پاکستان نا تقدیر بدلینگک۔ حافظ آباد نا نواحی خلق کولوتارڑ اٹی سوئی گیس پریشر نا بنائی دود آن تران کرسا اوپارے کہ سی پیک کون آ شاندار ڈٹ اٹی داسہ مچ آ دنیا نا ملک آک است خواہی ہلنگ ءُ۔ دا عظیم ڈٹ انا غٹ تر کریڈٹ وزیراعظم محمدنواز شریف ءِ کائک۔ اینو پاکستان نا معیشت جہانی ادارہ غاتارداٹ ایشیاٹی ترند رفتار شونداری کننگ ءِ۔ پاکستان معیشت نا پٹ اٹی بے پناہ سرسہبی دوئی کرینے۔ وزیراعظم محمدنواز شریف نا سروکی ٹی ملک دے پہ دے شونداری نا کسرآ روان ءِ۔ مئی 2013ء نا الیکشن اٹی نن ہراوعدہ ءِ الس تون کریسن اودے پورو کننگ کن دے و نن کوشست کننگ اُن۔ ہراتم نواز شریف ملک اٹی اقتدار ءِ سنبھالاسس ہمووخت ملک معاشی وڑاٹ دیوالیہ مننگ نا خڑک ئس، خزانہ خورک ئس ولے ننا نیت آتا خزانہ خورک اف بلکن پُر ئسر ہراٹی اینو معاشی وڑاٹ اسہ سوگو ءُ ملک اس جوڑ مسنے۔ معیشت نا پہیہ ترندی اٹ شونداری نا کنڈآ روان ءِ ۔ وزیر قومی جان جوڑی پارے کہ عمران خان اخس کہ اونا مرضی ءِ شور کے ، 2018 ء نا الیکشن اٹی سرسہبی انشاء اللہ مسلم لیگ (ن) نا مریک انتئے کہ نن عملی و خذمت نا سیاست آ یخین کینہ۔ اوپارے کہ دا بھلا بھلا ڈٹ آتیان الس نا زند انا آب بڑز مریک۔ وزیر جان جوڑی پارے کہ ضلع حافظ آباد اٹی ارب آ روپئی نا خڑچ آن جوڑجاڑی کاریم ترندی اٹ پورو مننگ ءُ۔ اوپارے کہ تحصیل پنڈی بھٹیاں ٹی سوا دوارب روپئی نا خڑچ آن خلق آتیٹی سوئی گیس فراوان کننگک۔ حافظ آباد ، کولاتارڑ روڈ۔حافظ آباد آن و نیکی تارڑ روڈ زوت اسے اٹ پورو مریک۔ داپاننگ غلط مفروئے کہ ننا حکومت نا محور الس ءِ اوفتے گچین آسراتی سرکننگ ہی ننا منشور ءِ۔
