اسلام آباد۔ 04جون (اے پی پی) وزیراعظم عمران خان پارینے کہ پاکستان بدل مننگ ءِ، ننا اقتصادی گچینی و تعمیراتی پالیسی نا سرسہبی نا نتیجہ غاک چندی بشخ آتے ٹی نظر بننگ ءُ، 2017ء ٹی خواتہ مننگ نا خڑک سی ڈی اے تون اینخو مالی سال انا ایسر اسکان 73ارب روپئی زیات مس۔ جمعہ نادے آ تینا ٹویٹ اٹی وزیراعظم سی ڈی اے ءِ شاباشی ترسا پارے کہ 2017ء ٹی سی ڈی اے ءِ 5 ارب 80کروڑ روپئی نا نسخان مون تروک ئس و ادارہ خواتہ مننگ نا خڑک ئس ولے اینخو مالی سال انا ایسر آ سی ڈی اے تون 73 ارب روپئی زیات مس وخت اس کہ 26ارب روپئی مہالو آن اکاؤنٹ اٹی ارے، ویل ڈن!ٹیم سی ڈی اے۔ وزیراعظم پارے کہ مالی سوگوی نا دوئی کننگ آن پد وخت بسنے کہ اصلاح و تنظیم نوءِ تینا اولیت جوڑ کرسا داسہ پورو رفتار اٹ اسلام آباد ءِ اسہ بے مٹ ءُ شاراس جوڑ کننگے۔ وزیراعظم پارے کہ ایلو بھلا شارک ہم پکا عزم، شفافیت و جدت نا کمک اٹ پائیدار اقتصادی شونداری و خودانحصاری نا کمک اٹ جوڑ مننگ کیرہ۔
