اسلام آباد۔ 04جون (اے پی پی) وزیراعظم پاکستان نا السی غاوتا گچین ایسری نا مشن برجاءِ، پنجاب پولیس نا بڑزکو آفیسر آتیکن پاکستان سٹیزن پورٹل نا بابت ورکشاپ اس اڈتننگ نا فیصلہ ءِ کننگانے۔ وزیراعظم آفس نا میڈیا ونگ آن جاری بیان نا رداٹ وزیراعظم آفس اٹی جوڑ پی ایم ڈیلیوری یونٹ نا کمامدارآتا کنڈآن جاری مراسلہ ٹی آئی جی پنجاب، ایڈیشنل آئی جیز، ڈی آئی جیز و ڈی پی اوتے ذاتی وڑاٹ ٹریننگ اٹ بشخ ہلنگ نا پرمان کننگانے۔ ورکشاپ اٹ غٹ بڑزکو آفیسر آتے بذریعہ ویڈیو لنک غاوتا ایسری آ سرجم حوال تننگک۔ حوال وزیراعظم پاکستان نا آفس اٹ جوڑ پی ایم ڈیلیوری یونٹ نا کمامدارآتا کنڈآن تننگک۔ ورکشاپ اٹی بڑزکو آفیسر آتا کہول آ السی غاوتا سہی و دیرپا ایسری کن پالیسی سازی آ حوال تننگک۔ پنجاب پولیس آن پد ایلو صوبہ غاتا بڑزکو پولیس آفیسر آتے ہم ٹریننگک تننگک۔ یات سلے، آئی جی پنجاب نا دفترآن سرجم آڈٹ مننگ آن پد تعلقدار آفیسر آتے کن ورکشاپ اس اڈتننگ نا فیصلہ ءِ کننگانے۔ ٹریننگ ءِ ہندا ہفتہ ٹی اڈتننگک۔
