اسلام آباد۔ 03جون (اے پی پی) بنجائی وزیر ڈٹ بندی، شونداری، اصلاحات و خصوصی گام گیج و نیشنل کمانڈ اینڈ آپریشن سینٹر نا سروک اسدعمر پارینے کہ اسلام آباد نا شاریک ویکسین خلفنگ اٹ غٹ آن مون آٹو، پاکستان اٹ ویکسی نیشن سینٹر آتا کچ 1700اسکان سرمسنے، ویکسی نیشن سینٹرآتا کچ 4ہزار اسکان دننگ نا ہدف ءِ۔ داخیال آتا درشانی ءِ او پنچ شنبے نادے آ سینٹورس مال اٹی اسلام آباد چیمبر آف کامرس اینڈ انڈسٹری، اسلام ڈائگناسٹک سینٹر و پنی آ ہسپتال نا کمک اٹ ویکسی نیشن سینٹر نا بناءِ کننگ نا وخت آ میڈیا تون گپ وتران کرساکرے۔ بنجائی وزیر پارے کہ ویکسی نیشن اٹی پین ترندی اتوئی مریک، کورونا دین انا سوب آن کاروبار زہمی مس، ملک اٹی کورونا ویکسی نیشن نا رجسٹریشن اٹی ودکی مس، ملک اٹی فائزر ویکسین نا محدود تعداد ءِ۔ فائزر ویکسین حج آ ہنوک آ و ورک ویزہ ہولڈرآتے لگک، پیشن نا ملک آتے ٹی خوانوک آتے فائزر ویکسین خلنگک۔ اوپارے کہ پمز اٹی ویکسین سینٹراٹ رش انا کمتی نا سوب آن نن جتا ءُ ویکسین سینٹر اس جوڑ کرینن۔ اسلام آباد چیمبر نا صدر یاسر الیاس ءِ مبارکباد پیش کیوہ، ویکسی نیشن سینٹر نا بابت اوننا سلاہ ءِ امنا کرے۔ اسدعمر پارے کہ ملک انا غٹ چیمبرآتے شریداری نا سلہ خلکونن۔ اسدعمر پارے کہ نن روچہ ٹی کاروبار ءِ بندکرین و دین انا تالانی ءِ تورین، پاک ویک ویکسین الس ءِ دوئی مننگ بناکرینے۔
