اسلام آباد۔ 03جون (اے پی پی) بنجائی وزیر خزانہ ومحصولات شوکت ترین ایس ایم ای بینک انا نجکاری نا عمل ءِ پورو کننگ اٹ نجکاری کمیشن ءِ کمک فراوان کننگ نا عزم انا درشانی ءِ کرینے۔ اوداہیت ءِ پنچ شنبے نادے آ داڑے ایس ایم ای بینک انا نجکاری آ پیش رفت نا بابت دیوان نا کماشی ءِ کرساپارے، دیوان اٹی وزیر نجکاری محمد میاں سومرو، خصوصی کمکار ریونیو ڈاکٹر وقار مسعود، گورنر اسٹیٹ بینک رضاباقر، وزارت خزانہ، اسٹیٹ بینک و نجکاری کمیشن نا سینئر آفیسر آک ساڑی ئسر۔ بنجائی وزیر خزانہ ءِ معلومدار کننگاکہ بولی آن مست انا عمل پورو است خواہی تخوک آ پارٹی تے شارٹ لسٹ کننگانے۔ نجکاری کمیشن نا بورڈ شارٹ لسٹ مروک آتیان بنائی سلابت و گپ وتران ہم کرینے تانکہ اوفتے ہڑدے نا وڑوڈول انا پوروی نا رداٹ آسراتی فراوان کننگ مرے، نجکاری کمیشن وزیرخزانہ ءِ ایس ایم ای بینک انا ایکویٹی گرج آتیان معلومدار کرے۔ وزیرخزانہ خصوصی کمکار ریونیو ءِ گرج آتا جاچ ءِ ہلنگ و بینک انا بیلنس شیٹ ءِ سوگو کننگ کن سلاہ مرتب کننگ نا پارت کرے۔ وزیر نجکاری محمد میاں سومرو دیوان اٹی پارے کہ او گمانی زرکارآتون آخبتی رابطہ ٹی ءِ و پوسکن آ پیش رفت آن وزارت خزانہ، اسٹیٹ بینک و ایلو تعلقدار فریق آتے معلومدار کننگک۔ وزیرخزانہ نجکاری کمیشن ءِ ایس ایم ای بینک انا نجکاری نا عمل ءِ پورو کننگ اٹ کمک فراوان کننگ نا عزم انا درشانی ءِ کرے۔
