اسلام آباد۔ 03جون (اے پی پی) وزیراعظم نا نمائندہ خصوصی مذہبی ہم آہنگی و دے ٹک نیامی و پاکستان علماء کونسل نا چیئرمین حافظ محمد طاہر محمود اشرفی پارینے کہ مچ آ ملک اٹی (اینو) جمعہ نادے آ گرین فائیڈے اڈتننگک، پاکستان تون اوار مچ آ دنیا ٹی ماحولیات نا بابت بھاز ویل آک ءُ، بدل مروک آ جہانی ماحول آن آبادی ءِ بقاکن سنگین خطرہ لاحق مننگ ءِ۔ پنچ شنبے نادے آ تینااسہ بیان اسے ٹی حافظ طاہر محمد اشرفی پارے کہ ماحولیاتی بدلی آن مچ آ دنیا ءِ فوڈ سیکورٹی، گلوبل وارمنگ، گلیشرز دیرمننگ، بے موسمی یا کم پِر کون آ ویل مون تروک ءِ۔ اوپارے کہ عالم دینک جمعہ نا خطبہ غاتے ٹی ماحولیاتی بدلی واونا اثرآتا بارواٹ قوم ءِ معلومدار کیرہ۔ حافظ طاہر محمود اشرفی پارے کہ وزیراعظم نا بلین ٹری ڈٹ ماحولیاتی گچینی وگرین پاکستان نا آفاقی وژن نا ڈیک ءِ۔ بلین ٹری ڈٹ انا سوب آن پاکستان اٹ ماحولیاتی گچینی نا کسر آوارمریک، داڈٹ انا مچ آدنیاٹی ستاءِ کننگانے۔ داڈٹ ملک اکن گیم چینجر اس جوڑ مریک۔ اوپارے کہ جمعہ نا خطبہ غاتے ٹی ماحولیات و کورونا ویکسین نا بابت قوم ءِ آگاہی تننگک۔
