اسلام آباد۔ 03جون (اے پی پی) پارلیمانی کشمیر کمیٹی نا چیئرمین شہریارخان آفریدی پارے کہ پارلیمانی کشمیر کمیٹی نا سفارتکاری ٹی کل جماعتی حریت کانفرنس نا سرکڑدہ غاتے ہم نمائندگی تننگک۔ کشمیر اٹی اینو ہم انسانیت سکنگ ءِ، ہائبرڈ وار نا کاریم اٹ اتسا کشمیری تیٹی بدگمانی تالان کننگ انگ ءِ، وزیراعظم عمران خان نا است کشمیر وفلسطین تون دھڑکک۔ اگہ کس اس پاہک کہ حکومت کشمیر نا سوداءِ کرینے تو اواونا شاہدی ءِ ایتر۔ اوپنچ شنبے نادے آ داڑے کل جماعتی حریت کانفرنس آزاد کشمیر شاخ انا مرکزی دفتراٹی حریت راہشون تتون اوڑدہی نا وخت آ گپ وتران کریکہ۔ داوخت آ حریت راہشون سید فیض نقشبندی، غلام محمد صفی، سید یوسف نسیم و ایلوفک ہم تران کریر۔ شہریارخان آفریدی پارے کہ پارلیمانی کشمیر کمیٹی نا سفارتکاری ٹی کل جماعتی حریت کانفرنس نا سرکڑدہ غاتے ہم نمائندگی تننگک۔
