کوئٹہ۔ 24مارچ (اے پی پی) صوبائی الیکشن کمشنر بلوچستان محمد نعیم جعفر پارینے کہ صوبائی اسمبلی نا حلقہ پی بی 7 زیارت اٹی 26مارچ آ مروک آ ضمنی گچین کاری تا بابت غٹ تیاریک پورو کننگانو گچین کاری ضابطہ اخلاق جاری کننگانے و داڑآ بیدس دباﺅ آن سختی اٹ عملدرآمد کننگک۔ داڑے میڈیا تون ہیت وگپ اٹی اوپارے کہ چیف الیکشن کمشنر نا پارت نا رداٹ الیکشن نا صاف وشفاف اڈتننگ ئِ المی جوڑ کننگ کن ہروڑگام گیج کننگک غٹ 59 پولنگ اسٹیشن تا تہٹی و پیشن فوج و ایف سی تعینات مریک تانکہ خلقت تینا حق رائے دہی نا کاریم اٹ اتنگ آ چاگڑد اٹی بیدس خوف و خلیس آن کننگ کیر۔ وونٹرز وپولنگ نا حساس سازوسامان تا رکھ ئِ المی جوڑ کننگ کن بے کچ سخت بست و بند کننگانے۔ پولنگ عملہ نا تعیناتی کن خڑکی ضلع غاتا سرکاری ملازم آتا خذمت آتے دوئی کننگانے۔ گچین کاری تیٹی عملہ نا کنڈآن ڈیوالائی ئِ سگنگ پننگک دا الیکشن اٹی 59728 وونٹرز تینا حق رائے دہی ئِ کاریم اٹ اتیرہ ہرافتے ٹی 32405نرینہ و 27323 نیاڑی وونٹرز ئُ ۔ یات سلے کہ دا حلقہ نا نشست گل محمد دمر نا کزیت آن پد خورک مسوسس۔
