کوئٹہ۔ 03جون (اے پی پی) وزیراعلیٰ بلوچستان جام کمال خان محکمہ ایس اینڈ جی اے ڈی نا کارکڑد نا بابت بلوچستان ہائی کورٹ نا ریمارکس آ سیکرٹری ایس اینڈ جی اے ڈی بلال جمالی آن وضاحت بٹنگا، وزیراعلیٰ ہاؤس آن جاری کروک پریس ریلیز نا رداٹ وزیراعلیٰ بلوچستان نا عدالت عالیہ نا پرمان آن پد ہم محکمہ ایس اینڈ جی اے ڈی نا تینا کاریم ءِ کپننگ آ سخت ترندی نا درشانی ءِ کرے، وزیراعلیٰ پارت کرسا پارے کہ سرکاری سلوک آ پیسہ غاتا ہلنگ حکومت نا کاریم ءِ و داڑآ کاریم تینٹ کننگے داویل انا ایسری کن عدالت آ ہِننگ نا گرج بایدے مف۔ وزیراعلیٰ بلوچستان جام کمال خان پارے کہ غٹ واجبات آتے دمدستی وڑاٹ ہلنگے، ساڑی حکومت کانود نا عملداری آ یخین تخک، بلوچستان حکومت عدالت نا پرمان و فیصلہ غاتیا عملدرآمد ءِ ہرحال اٹ پک کیک۔
