اسلام آباد۔ 03جون (اے پی پی) وزیراعظم نا خصوصی کمکار ماحولیاتی بدلی ملک امین اسلم پارینے کہ پاکستان اٹی تدوک آ 20سال اٹی مینگرووز نا شجرکاری ٹی 300درسد ودکی مسنے، 10ارب سونامی ٹری ڈٹ انا رداٹ پین مینگرووز خلنگک، پاکستان چین گرین زون اس جوڑ کننگ والا ءِ۔ او پنچ شنبے نادے آ داڑے موسمیاتی بدلی نا بابت گرین فنانسنگ اسکیم نا بناءِ کننگ نا وخت آ تران کریکہ۔ داوخت آ وزیراعظم عمران خان ہم ساڑی ئسک۔ خصوصی کمکار پارے کہ بلیوکاربن نا جاچ رپورٹ ءِ پیش کننگ انگ ءِ۔ مینگرووز پاکستان نا میرات ءِ۔ اگہ نن دا میرات ءِ رکھ تننگ کینہ تو سالانہ 3لکھ ٹن کاربن جذب کینہ۔ 10ارب سونامی ٹری ڈٹ انا رداٹ پین مینگرووز خلنگک۔ اوپارے کہ دنیا ٹی بلیوکاربن مسہ جاگہ غاتیارکھ کننگ مریک و خوش بختی ءِ کہ پاکستان اٹی دا ہرمسٹ آ وارخواہیک اریر۔ بلیوکاربن رپورٹ اٹ پاکستان نا آخبت نا روڈ میپ اس تننگانے۔ مستین اٹ داخزانہ ننے آن اودیم ئس۔ داخزانہ ءِ ہموحالیت اٹ رکھ کننگ مریک کہ نن مینگروز آتے گڈپن۔ پاکستان اٹی بلیوو گرین بانڈ آن بیدس داسہ نیچر بانڈآکاریم مننگ ءِ۔
