اسلام آباد۔ 03جون (اے پی پی) چیئرمین سینیٹ محمد صادق سنجرانی تاجکستان نا صدر امام علی رحمان تون اسلام آباد اٹی اوڑدہی کرے۔ سینیٹ سیکرٹریٹ نا رداٹ اوڑدہی ٹی ہڑتوم آ کنڈآتا تعلقداری، علاقائی حالیت و رابطہ کاری نا مون آ دننگ آ گپ وتران کننگا۔ ڈپٹی چیئرمین سینیٹ مرزامحمد آفریدی، تاجکستان اٹی پاکستان نا سفیر عمران حیدر ئسک ہم ساڑی ئسر۔ اوڑدہی ٹی چیئرمین سینیٹ پارے کہ پاکستان تاجکستان تون ہڑتوم آ کنڈآتا تعلقداری تے اہم تکک، ڈیہہ نا رابطہ کاری اقتصادی شونداری کن اہم ءِ۔ واپار تون اوار کثیر الجہتی کمکاری ءِ مون آ دننگ بھاز اہم ءِ، زرگزرانی شونداری، السی رابطہ کاری کن پارلیمانی کمکاری و ادارہ جاتی کمکاری ءِ مون آ دروئی مریک، پاکستان و تاجکستان مذہبی، معاشرتی و دودوربیدگی رشتہ غاتے ٹی گنڈوک ءُ۔ اوپارے کہ پاکستان نیامی ایشیائی ملک آتون ہڑتوم آ کنڈآتا کمکاری و رابطہ کاری ءِ ودفنگ نا خواہندار ءِ۔ چیئرمین سینیٹ پارے کہ امن، سلامتی و شونداری ننا اسیجائی ویژن ءِ، ڈیہہ نا شونداری کن امن ءِ اہم تکنہ، پاکستان تاجکستان تعلقداری تاریخی ءِ، بڑزکو کہول آ ڈل آتا ہن وبرآن تعلقداری تے پین سوگوی ملک۔ داوخت آ تاجک صدر پارے کہ پاکستان نا دورہ ءِ کرسا خوشی مس، اوڑدہی بھاز جوان مس ہراڑآن ہڑتوم آ کنڈآتا رابطہ ءِ پین مون آ دننگک۔
