اسلام آباد۔ 01جون (اے پی پی) پاکستان و تاجکستان نا وزیرخارجہ غاتا نیام اٹ ڈل آتا کہول آ مذاکرات چارشنبے نادے آ داڑے مس۔ پاکستان، کاسا۔ 1000ڈٹ آتے زوت پوروی اسکان سرکننگ کن سنبرینگوک ءِ۔ ہڑتوم آ ملک آک اقوام متحدہ، او آئی سی، شنگھائی کمکارتنظیم و اقتصادی کمکار تنظیم تون اوار جہانی فورم تیا ہڑتوم آ کنڈآتا کمکاری ءِ ودفنگ آامناکرینو۔ دفترخارجہ نار داٹ تاجکستان نا صدر امام علی رحمان تون اوار پاکستان نا دورہ غا بروک آتاجکستان نا وزیرخارجہ سراج الدین مہرالدین و اوناپاکستانی ہم منصب شاہ محمود قریشی نا ڈل آتا کہول آ مذاکرات وزارت خارجہ ٹی مس۔ دامذاکرات اٹی پاکستانی ڈل انا کماشی ءِ وزیرخارجہ مخدوم شاہ محمود قریشی وخت اس کہ تاجک ڈل انا کماشی ءِ تاجک وزیرخارجہ مہرالدین سراج الدین کرے۔ مذاکرات اٹی ہڑتوم آ کنڈآتا تعلقداری، سیاسی، واپاری، اقتصادی، دفاعی، و تعلیمی بشخ آتے ٹی ہڑتوم آ کنڈآتا کمکاری نامون آدننگ تون اوار تین پہ تینی است خواہی نا چندی علاقائی و جہانی باندات آ گپ وتران کننگا۔ سیکرٹری خارجہ سہیل محمود و تاجکستان اٹی پاکستان نا سفیر عمران حیدر و وزارت خارجہ نا سینئر آفیسرآک ہم داوخت آ ساڑی ئسر۔ ہڑتوم آ وزیرخارجہ غاک پاکستان وتاجکستان نا نیام اٹ ”علاقائی ہم آہنگی و یکجہتی کن اسٹریٹجک شریداری نا بروک آ ریسہ نا بابت اسیجائی اعلامیہ و ایلو طے مروک آ معاہدہ غاتا ستاءِ کرسا، دامعاہدہ غاتیا پورو عملدرآمد کن تینا عزم انا درشانی ءِ کریر۔ شاہ محمود قریشی پارے کہ پاکستان وتاجکستان نا نیام اٹ ہڑتوم آ کنڈآتا تعلقداری، اسہ وڑ مذہبی، دودوربیدگی وتہذیبی قدر انا بنداوتیاٹی ءِ۔ ہڑتوم آ وزیرخارجہ غاک ہڑتوم آ کنڈآتا تعلقداری تا ساڑی وڑآ است جمی نا درشانی ءِ کرسا اوفتے پین سوگو کننگ آامناکریر۔ وزیرخارجہ پاکستان و تاجکستان نا نیام اٹ توانائی نا بشخ اٹی ہڑتوم آ کنڈآتا کمکاری نا مون آ دننگ نا گرج آ زور شاغسا پارے کہ پاکستان، کاسا۔1000ڈٹ ءِ زوت ایسری اسکان سرکننگ کن سنبرینگوک ءِ۔ ہڑتوم آ وزیر خارجہ غاک اقوام متحدہ، او آئی سی، شنگھائی کمکار تنظیم و اقتصادی کمکار تنظیم تون اوار جہانی فورم تیا ہڑتوم آ کنڈآتا کمکاری ءِ ودفنگ آ امنا کریر۔ وزیرخارجہ 2021کن شنگھائی کمکار تنظیم نا کماشی ملنگ آ تاجک ہم منصب ءِ مبارکبادی تس و پاکستان نا کنڈآن پورو مخ تفی نا باوری کرفے۔ وزیرخارجہ پارے کہ پاکستان، تاجکستان ءِ گوادر پورٹ نا دروشم اٹ، سویل دے ٹکی ایشیائی، دے ٹک نیامی، و افریقہ اسکان رسنگ نا گونڈءُ کسر اس فراوان کیک، دابندرگاک پاکستان وتاجکستان، نانیام اٹ ہڑتوم آ کنڈآتا واپاری کچ اٹ ودکی کن کمکار مننگ کیک۔ ہڑتوم آ ملک آتے تین پہ تینی ہڑتوم آ کنڈآتا واپاری کچ اٹ ودکی کن کسرتیان فائدہ ہرفنگ نا گرج ءِ۔ وزیرخارجہ تاجک ہم منصب ءِ مقبوضہ جموں و کشمیر اٹی برجاانسانی حق انا بھلا خلاف ورزی تیان معلومدار کرے وپارے کہ ہندوستان نا کنڈآن 5 اگست 2019نا اسہ کنڈی و غیرآئینی گام گیج نا تنسیخ کن جہانی برادری ہندوستان آ زور شاغے۔ ہڑتوم آ وزیرخارجہ غاک ڈیہہ ٹی امن کن ”اوغان امن عمل“ ءِ المی گوندسا، جامع مذاکرات نا کمک اٹ اوغان ویل انا پرامن سیاسی ایسری نا گرج آ زور شاغار۔
