تاجکستان نا صدر امام علی رحمان 2دے ئی دورہ غا پاکستان آ سرمس
اسلام آباد۔ 02جون (اے پی پی) تاجکستان نا صدر امام علی رحمان 2دے ئی دورہ غا پاکستان آ سرمسنے۔ چارشنبے نادے آ وزیراعظم عمران خان وزیراعظم ہاؤس آ بننگ آ اودے بخیرکرے۔ تاجکستان نا صدر ءِ گارڈ آف آنر پیش کننگا۔ داوخت آ ہڑتوم آ ملک آتا قومی ترانہ ءِ خلنگا اوکان پد تاجک صدر گارڈ آف آنر نا معائنہ ءِ کرے۔ تاجک صدر وزیراعظم عمران خان تون تینا ڈل انا درستی راستی ءِ کرفے وخت اس کہ وزیراعظم عمران خان ہم اودے کابینہ نا باسک آتون درستی راستی کرفے۔ تاجکستان نا صدر وزیراعظم ہاؤس نا لان اٹی نیال اس ہم خلک۔ داکان مست نورخان ایئر بیس آ سرمننگ آ بنجائی وزیر خسرو بختیار تاجکستان نا صدر ءِ بخیر کرے۔ تاجک صدر ءِ توپ آتا سلامی تننگا۔ تاجکستان نا صدر نا دورہ ٹی زرگزران، واپار، زرکاری، توانائی، سیکورٹی و دفاع تون اوار چندی بشخ آتے ٹی کمکاری ءِ سوگو کننگ و مون آ دننگ آ گپ وتران مریک وخت اس کہ چندی معاہدہ ومفاہمتی یات داشت آتیاہم دستخط کننگک۔
