اسلام آباد۔ 02جون (اے پی پی) پاکستان و تاجکستان چندی بشخ آتے ٹی کمکاری کن معاہدہ و مفاہمت نا یات داشت آتیا دستخط کرینو۔ چارشنبے نادے آ دستخط آتا دود داڑے ایوان وزیراعظم اٹی اڈ ہلک۔ داوخت آ وزیر اعظم عمران خان و تاجکستان نا صدر امام علی رحمان ئسک ہم ساڑی ئسر۔ تعلیمی بشخ اٹی کمکاری نا چرجوئی ٹی تاجک ٹیکنکل یونیورسٹی اکیڈیمیشین ایم ایس او سیمی و انڈس یونیورسٹی آف پاکستان، تاجکستان نا چیمبر آف کامرس اینڈ انڈسٹری و ایوان صنعت و واپار بلوچستان نا نیام اٹ کمکاری، تاجکستان نا ایوان صنعت و واپار و ایوان صنعت وواپار سیالکوٹ نا نیام اٹ کمکاری نا معاہدہ غاتیا دستخط کننگا، جمہوریہ تاجکستان نا حکومت و پاکستان نا نیام اٹ ہلہلہ ئی حالیت آتے ٹی توننگ و لیکوڈیشن نا بشخ اٹ کمکاری، پاکستان وتاجکستان نا نیام اٹ فن و دودوربیدگ نا بشخ اٹ کمکاری، انٹرنیشنل روڈ ٹرانسپورٹیشن نا بشخ اٹی کمکاری نا معاہدہ غاتیا دستخط کننگا۔ وخت اس کہ ایوان صنعت و واپار لاہور و جمہوریہ تاجکستان نا ایوان صنعت و واپار، تاجکستان نا ادارہ انسداد بدعنوانی و اسٹیٹ فنانشل کنٹرول و پاکستان نا قومی احتساب بیورو نا نیام اٹ کمکاری، تاجک انسٹیٹیوٹ آف لینگوئجز دوشنبے و نیشنل یونیورسٹی ماڈرن لینگوئجز (نمل) نا نیام اٹ کمکاری و تاجکستان نا ٹیکنالوجیکل یونیورسٹی و کامسیٹس یونیورسٹی اسلام آباد نا نیام اٹ مفاہمت نا یات داشت آتیان بیدس خارجہ امور نا وزارت آتا نیام اٹ کمکاری نا پروگرام وعلاقائی یکجہتی و رابطہ کن تزویراتی شریداری نا قیام نا چرجوئی ٹی اسیجائی اعلامیہ غا دستخط کننگا۔
