مزن وزیر محمد نواز شریف ئِ پرائم منسٹر گرین پاکستان پروگرام ئِ چیر دستی ئَ آدینگ ئِ روچ ئَ گھوڑا گلی ئَ فاریسٹ سروسز اکیڈمی ئِ بنگیج، فیکلٹی ئِ باسک ئُُ نودربر آں گند ئُُ نند
اسلام آباد ۔ 24 مارچ (اے پی پی) وزیر محمد نواز شریف ئَ پرائم منسٹر گرین پاکستان پروگرام ئِ چیر دستی ئَ آدینگ ئِ روچ ئَ گھوڑا گلی ئَ فاریسٹ سروسز اکیڈمی ئِ بنگیج کُت۔ مزن وزیر ئَ فاریسٹ سروسز اکیڈمی ئِ بُن ھشتی سنگ ئِ دیم درائی کُت ئُُ ایشی ئِ پیش گاھ ئَ درچکُک ءِ کشت۔ آئی ئَ اکیڈمی ئِ بازیں بھر آنی تر ئُُ تاب کُت ئُُ فیکلٹی ئِ باسک ئُُ نودربر آنی گوما دوت ئُُ دراھ کُت۔ اے اکیڈمی فاریسٹ سائنسز ئَ نوکری ئِ ساھت ئَ ئُُ پوسٹ گریجویٹ ھیل کاری پجارین ایت۔ اے موہ ئِ سر ئَ وزیر ئِ موسمی مٹ ئُُ بدلی زاہد حامد ھم ساڑی اَت۔ موسمی مٹ ئُُ بدلی ئِ بابت ئَ مزن وزیر ئِ فوکل پرسن سید رضوان محموب ئَ مزن وزیر ئَ را اکیڈمیئِ بابت ئَ موسمی مٹ ئُُ بدلی ئِ آسر آنی گستا کنگ کنگ مول ئُُ مراد ئُُ جنگل ئِ شوبگ ئَ پٹ ئُُ پول ءِ بابت ئَ بریفنگ دات۔ مزن وزیر ئَ را گوشگ بوت کہ اکیڈمی ئِ اولی بھر 59.29ملین ئِ ھرچ ئُُ درچ ئَ چہ سرجم بیت وھدیکہ دومی بھر ئِ تہئَ 2020ئَ سرجم کنگ بیت۔ آرا گوشت بوت کہ اکیڈمی ئِ جھلی تک ئِ کیمپس بہالپور ئَ برجا اِنت تانکہ فاریسٹ اپسرگ آناں ریکستان ئِ آپ ئُُ ھوا ئِ رد ئَ سکھارینگ بہ بیت۔ مزن وزیر ئَ را گوشگ بوت کہ اے اکیڈمی 150سالی کوھنیں سکولی ماڑی یے تہئَ جوڑ کنگ بوتگ ایش 22ایکڑ پراھ ئُُ شاھیگان اِنت۔ مزن وزیر ئَ نوکیں ماڑی ئِ تیار بوھگ ئَ تاں اسکول ئِ راستیں درشم ئِ برجا دارگ ئِ ہدایت کُت۔ آئی ئَ گوشت کہ اکیڈمی ئَ را آپ گیس ئِ پُجارین ئِ چار ئُُ تپاسی کنگ ئِ ھم پنت ئُُ شون دات۔ مزن وزیر ئَ را بہالپور ئِ لال سوہانراپارک ئَ جنگل ئِ بابت ئَ بریفنگ ھم دیگ بوت آھود 1200ایکڑ ئِ کشت ئُُ کشاری کنگ بوتگ۔ وھدیکہ گیش پنچ ہزار ایکڑ ئِ پراھ ئُُ شائیگانیں 3سال آنی تہ ئَ درچکُک کشگ بیت۔ مزن وزیر ئَ پتیسر گورم ئَ چہ آک ئِ کشگ ئُُ بالی مُرگ آنی واستہ گورم ئِ کدرتی شرنگی ئِ برجا دارگ ئِ پنت ئُُ شون کُت۔ مزن وزیر ئَ چاگرد ئُُ جنگلی زندمان ئِ رکھینگ ئِ ھاترا اے کار ئِ تہ ئَ ھندی آباتی آنی تہ ئِ گل آنی وسیلگ ئَ ھندی مردم آنی ھواری ئِ سر ئَ زور پر دات۔
