اسلام آباد۔ 02جون (اے پی پی) وزیر مملکت حوالکاری و شینکاری فرخ حبیب پارینے کہ مالی سال 2021-22نا بجٹ الس دوست مریک، بلاول صاحب، نا پڈ اٹ الس نا آخا اقتدار نا دڑد ءِ، کوویڈ۔ 19نا سوب آن زرگزرانی سرجزآتا کچ اٹ مننگ آن پد اہم ایف بی آر جولائی آن 31مئی اسکان داتم اسکان 4170ارب خراج یکجا کرینے۔ چارشنبے نادے آ بلاول زرداری نا بیان آ ردعمل اٹ پارے کہ سندھ اٹی تدوک آ کیہی دہائی آن سیاسی بدنیتی نا بندا وآ شاری و خلقی بشخنگ نا رداٹ وسیلہ غاتا بابت 60 و40درسد نا کوٹا سسٹم آ عمل مننگ کتنے۔ سندھ انا گنجان آباد علاقہ غاک کچرہ و سیوریج نا دیرآن پُرءُ، سندھ حکومت داحالیت آتے مرکننگ اٹ ہچ ءُ سنجیدہ گام گیج اس ہرفسا نظربفک۔ اوپارے کہ بلاول صاحب، سندھ اٹی امن وایمنی نا بگڑینگوک آ حالیت آتا زموار دیرءِ؟۔ کراچی نا الس داسوج کننگ ءِ کہ سیوریج لائن تے انت اکن جوڑجاڑ کپننگ انگ ءِ، دیر انا لین تیان دیر ہرانگ ہناگم مس، لین تا دیر ءِ ٹینکی تے انت اکن تننگ انگ ءِ؟ اوپارے کہ شار انا سرکاری تعلیمی ادارہ غاتا حالت انت اکن خرابءِ۔ سڑک آتا تفنگ آ ودکی کروڑ آ روپئی خلنگ آن پد سڑک آک ولدا ہم انت اکن پنوک ءُ؟ کراچی ٹی ڈغارک، پارک، گوازی تا میدان، و سڑک آک کوزہ گیر و چائنا کٹنگ نا گواچی مسر اوفتے ہراوڑبحال کننگک۔ سیل و سواتی ہند و جان جوڑ چاگڑد فراوان کننگ کن شارانا ورناتے آسراتی دیر اس فراوان کیک؟ اوپارے کہ محکمہ بلدیات نا ادارہ، فائربریگیڈر، ریسکیو، لینڈ، جان جوڑی و شعبہ تعلیم نا حالت انت اکن خراب ءِ؟۔
