APP09-010621 ISLAMABAD: June 01 – Speaker National Assembly Asad Qaiser chairing the meeting of the Executive Council of Second General Conference of the Parliamentary Assembly of Economic Cooperation Organization (PAECO). APP

 

اسلام آباد۔ 01جون (اے پی پی) پیکو کانفرنس نا ایگزیکٹیو کونسل نا دیوان اٹی مقبوضہ جموں و کشمیر اٹی بھارتی فوج انا کنڈآن کروک آ انسانی حق انا خلاف ورزی تا ترند انگا لوز آتے ٹی مذمت ءِ کننگا و ایگزیکٹیو کونسل نا مسٹ میکو پیکو کانفرنس ءِ اوغانستان اٹی اڈترفنگ آ امنا کننگا۔ سے شنبے نادے آ پیکو نا ایگزیکٹیو کونسل نا دیوان اسپیکر قومی اسمبلی اسد قیصر نا کماشی ٹی اڈ ہلک۔ اسپیکر قومی اسمبلی اسد قیصر پارلیمانی اسمبلی اقتصادی کمکار تنظیم نا ایگزیکٹیو کونسل نا امنائی وڑاٹ چیئرمین گچین کننگا۔ پارلیمانی اسمبلی نا اقتصادی کمکار تنظیم نا ارٹ میکو جنرل اسمبلی کانفرنس نا ایگزیکٹیو کونسل اسپیکر قومی اسمبلی اسد قیصر ءِ بطور چیئرمین ارٹ میکو پارلیمنٹری اسمبلی گچین کرے۔ ایگزیکٹیو کونسل نا 2جون آ کانفرنس نا ایسری دیوان اٹی پیش مروک آ اسیجائی اسلام آباد اعلامیہ غا امنا کننگا۔ ایگزیکٹیو کونسل آف پیکو نا پاکستان نا مقبوضہ جموں و کشمیر آ اصولی موقف نا مخ تفی ءِ کننگا و اسلام آباد اٹی پیکو سیکرٹریٹ نا جوڑ کننگ نا ہم منظوری ءِ تننگا۔ پیکو کانفرنس ءِ پین فعال کننگ کن پیکو نا رولز آف بزنس نا منظوری و باسک ملک آتا پارلیمان تیٹی پیکو برانچ آتا جوڑ کننگ آہم امنائی سلاہ کننگا۔ پیکو کانفرنس نا ایگزیکٹیو کونسل نا دیوان اٹی پیکو نا باسک ملک آتا اسپیکر آک بشخ ہلکر۔

متعلقہ مضامینمصنف کی طرف سے مزید