اسلام آباد۔ 01جون (اے پی پی) بنجائی وزیر حوالکاری و شینکاری چوہدری فواد حسین پارینے کہ کویت دہ سال آن پد پاکستان کن ورک ویزاجاری کننگ نا بناءِ کرینے، کورونا فرنٹ آ پاکستان نا ریکوری دنیا ءِ حیران کرینے، بجٹ اٹ تنخواہ دار تپہ ءِ بھلو ریلیف اس ملک۔ سے شنبے نادے آ تینا اسہ ٹویٹ اسے ٹی اوپارے کہ جوان انگا خبرتا چرجوئی برجاءِ، کویت دہ سال آن پد پاکستان کن ورک ویزاجاری کننگ نا بناءِ کرینے، کورونا فرنٹ آ پاکستان نا ریکوری دنیا ءِ حیران کرینے، بھارت تون اوار ڈیہہ نا چندی ملک آک داہلوک آ مرض اتون مون تننگ ءُ، کراچی آن بیدس مچ آ ملک اٹی کورونا نا کچ 4 درسد آن ہم کم مسنے۔ اوپارے کہ بجٹ اٹی تنخواہ دار تپہ ءِ بھلو ریلیف اس ملک، کبینی ٹی ودکی تو مسنے ولے ہلنگ نا وس اٹی ودکی ہم ہمو کچ اٹ مننگ ءِ ہراستاکڑزک۔ اومیت ءِ بروک آ اِراسال اٹی عمران خان نا کماشی ٹی ملک مزل نا خڑک مریک۔
