کویت۔ 31 مئی (اے پی پی) وزیرداخلہ شیخ رشید احمد پارینے کہ پاکستان کن کویتی ویزانا بحالی اسہ متکن ءُ ویل اس ئس، ویزا بحالی آن ہڑتوم آ ملک آتا نیام اٹ تعلقداری تیٹی پین گچینی بریک، پاکستان و کویت نا نیام اٹ واپار و سیل و سوات ءِ مون آدننگ دوئی مریک۔ داخیال آتا درشانی ءِ او تینا کویتی ہم منصب شیخ تھامیر السلم الصباح تون ڈل اتون اوار اوڑدہی ٹی کرے۔ اوڑدہی ٹی پاکستان کویت ہڑتوم آ کنڈآتا تعلقداری تا مون آ دننگ و سیکورٹی نا بابت مذاکرات مس ہرافتے ٹی تعلقداری تا مون آدننگ کن بین الوزارتی رابطہ غاتے ودفنگ آ امنا کریر۔ وزیرداخلہ شیخ رشید احمد پاکستانی شاری تیکن کویتی ویزا بحالی نا منت واری نا درشانی ءِ کرے۔ داوخت آ کویتی وزیرداخلہ پارے کہ پاکستان وکویت الس نا نیام اٹ رابطہ غاک پین مون آ ودر۔وزیرداخلہ شیخ رشید احمد پارے کہ پاکستان نا کویتی ویزانابحالی اسہ متکن ءُ ویل اس ئس۔ ویزابحالی آن ہڑتوم آ ملک آتا نیام اٹ تعلقداری تیٹی پین گچینی بریک، پاکستان و کویت نا نیام اٹ واپار و سیل وسوات ءِ مون آ دننگ دوئی مریک۔ اوپارے کہ دہ سال آن جتائی نا گواچی خاہوت نا بندغ آک اسہ ایلو تون ملنگ کیرہ، پاکستانی مزور آک بھاز خواری کش و خوددار ءُ ہرا کویت نا شونداری ٹی کڑد ادا کیرہ۔
