اسلام آباد۔ 31 مئی (اے پی پی) وزیراعظم عمران خان پارینے کہ ملک اٹی ٹیکنالوجی نا مون آ دننگ ساڑی حکومت نا اولیت آتے ٹی اوار ءِ۔ زرکارآتے کٹیائی کاروباری سرجزآتے کن ہروڑنا آسراتی تننگک۔ اسلام آباد اسپیشل ٹیکنالوجی زون نا جوڑ کننگ ءِ زوت آن زوت پورو کننگے۔ اوداخیال آتا درشانی ءِ دوشنبے نادے آ اسپیشل ٹیکنالوجی زونز اتھارٹی بورڈ آف گورنرز نا ارٹ میکو دیوان نا کماشی ءِ کرسا کرے۔ دیوان اٹی اتھارٹی ءِ متحرک ادارہ اس جوڑ کننگ خاص وڑاٹ ٹیکنالوجی ٹرانسفر، ریسرچ اینڈ ڈویلپمنٹ نا مون آ دننگ، پیشن نا زرکاری ٹی ودکی، ورناتا نوکری نا وارخواہی ودی کننگ و آئی ٹی نا بشخ اٹی ملکی برآمد آتے ٹی ودکی نا بابت متحرک و فعال ادارہ اس جوڑ کننگ نا بابت پیش رفت آ حوال تننگا۔ دیوان اٹی ایس ٹی زیڈ رولز 2021نا منظوری ءِ تننگا۔ وزیراعظم ءِ اسلام آباد اسپیشل ٹیکنالوجی زون نا جوڑ کننگ نا بابت پیش رفت آہم حوال تننگا۔ دیوان ءِ پاننگاکہ پنی آ آئی ٹی کمپنیک ہرافتے ٹی ہواوے، سام سنگ پین پین اوار ءُ نا کنڈآن دازون اٹی زرکاری نا بابت خصوصی است خواہی و عزم انا درشانی ءِ کننگ انگ ءِ۔ دیوان ءِ ملک انا رورل سیکٹراٹی اسپیشل ٹیکنالوجی زون تا جوڑ کننگ، ورناتے تکنیکی و پروفیشنل ٹریننگ تننگ نا بابت سلاہ ئی انسٹیٹیوٹ، ورناتا لائخی تیٹی ودکی نا بابت تربیت و نوکری تا وارخواہی ودی کننگ نا بابت حکمت عملی آ ہم سرجم حوال تننگا۔ وزیراعظم اتھارٹی نا کنڈآن کروک آ پیش رفت نا ستاءِ کرسا پارے کہ ملک اٹی ٹیکنالوجی نا مون آ دننگ ساڑی حکومت نا اولیت آتے ٹی اوار ءِ۔ اوداعزم انا درشانی ءِ کرے کہ حکومت نا کنڈآن زرکارآتے کٹیائی کاروباری سرجزآتے کن ہروڑنا آسراتی تننگک۔ وزیراعظم پارت کرے کہ اسلام آباد اسپیشل ٹیکنالوجی زون نا جوڑ کننگ ءِ زوت آن زوت پورو کننگے۔
