گوادر۔ 31 مئی (اے پی پی) چیئرمین چین پاکستان اقتصادی راہداری (سی پیک) اتھارٹی لیفٹیننٹ جنرل ریٹائرڈ عاصم سلیم باجوہ پارینے کہ گوادر پورٹ ءِ پورو فعال کرینن، گوادر بالی پٹ آ ہم ترندی اٹ کاریم مننگ ءِ۔ گوادر اٹی پریس کانفرنس اٹی عاصم سلیم باجوہ نا پاننگ ئس کہ داسہ بندرگاہ غا ٹریفک ءِ ودفنگ آ چکار ءِ، دونیم مسہ سال اٹی گوادر اٹی 12ہزار بندغ آتے ملازم فراوان کننگا، گوادر پورٹ آن گڑاتا فراوانی کن آن لائن بکنگ کننگ مریک۔ عاصم سلیم باجوہ پارے کہ گوادر بالی پٹ آ کاریم بھاز ترندی اٹ مننگ ءِ، وزیراعظم نوکری فراوان کننگ کن خصوصی زور شاغانے، وزیراعظم چناتا ووکیشنل ٹریننگ آ ہم زور شاغانے، گوادر اٹی سپورٹ اسٹرکچر آ کاریم ترندی اٹ چلینگ انگ ءِ، گوادر سٹی نا ماسٹر پلان منظور مسنے و عملدرآمد نا ریسہ غاٹی ءِ۔ چیئرمین سی پیک اتھارٹی نا پاننگ ئس کہ گوادر نا شونداری ٹی آخبت اٹ ترندی نظربریک، گوادر نا بارواٹ بھاز غلط تاثر پیش کرسا کننگانے، ایم۔8 نا اسہ سیکشن اس سلیسوسس ہرا متبادل کسرءِ، ہراڑآکاریم ترندی اٹ برجاءِ۔ اوپارے کہ سویلی بلوچستان نا علاقہ غاتے مستین اٹ گوجالنگا، داعلاقہ غاتے ٹی سڑک جوڑ کننگ انگ ءِ، گوادر اٹی چین نا کمک اٹ ہسپتال ہم جوڑ مننگ ءِ، بلوچستان نا بزغرآتون اوڑدہی اس ہم ارے، کشت وکشار نا پلان سی پیک فیز ٹو انا بشخ ءِ، ماہی گیر آتا غٹ ویل آتے ایسر کینہ۔
