اسلام آباد۔ 31 مئی (اے پی پی) بنجائی وزیر حوالکاری و شینکاری چوہدری فواد حسین پارینے کہ شہباز شریف و بلاول بھٹو زرداری نا آئی ایم ایف نا بابت بیانک حیرانی نا سوب ءُ، اوہیت کننگ آن مست تینا ریکارڈ ءِ ہرسا کیر تانکہ شرمندہ مننگ آن بچنگ کیر۔ دوشنبے نادے آ تینا اسہ ٹویٹ اسے ٹی اوپارے کہ اینو اسکان پاکستان آئی ایم ایف آن 13.79ارب ڈالر وام ہلک ہرافتیان پیپلزپارٹی 47 درسد و نون لیگ 35 درسد وام ہلکر وخت اس کہ ایلو غٹ حکومت آک اواری اٹ 18 درسد وام ہلکر۔ اوپارے کہ کنا مشورہ ءِ کہ شہباز شریف و بلاول بھٹو زرداری ہیت کننگ آن مست تینا ریکارڈ ءِ ہرسا کیر تانکہ شرمندہ مننگ آن بچنگ کیر۔
