اسلام آباد۔ 31 مئی (اے پی پی) تدوک آ 24گھنٹہ ٹی کورونا دین انا سوب آن پنجاب آن پد خیبرپختونخواٹی غٹ آن زیات مرک ریکارڈ کننگا۔ مچ آ ملک اٹی تدوک آ 24 گھنٹہ ٹی کورونا دین آن 43 مرک مس ہرافتیان 15 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 2 ہزار 117بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تے ٹی وینٹی لیٹر آتیا کوویڈ۔ 19 نا ناجوڑ آتا تناسب نا لحاظ اٹ ملتان اٹی 70 درسد، لاہور اٹی 35 درسد، پشاور اٹی 29 درسد و بہاولپور اٹی 32 درسد ناجوڑ ءُ۔ ہنداوڑاٹ ملک انا چار بھلا شار تے ٹی آکسیجن نا آسراتی والا کٹ آتیا کورونا نا مثبت کیس آتا تناسب نا لحاظ اٹ کراچی ٹی 37 درسد، صوابی ٹی 41 درسد، بہاولپور اٹی 35 درسد و ملتان اٹی 50 درسد ناجوڑ ءُ۔ تدوک آ 24 گھنٹہ ٹی کوویڈ۔ 19نا 52ہزار 223ٹیسٹ کننگا ہرافتیان سندھ اٹی 15 ہزار 916، پنجاب اٹی 22 ہزار 109، خیبرپختونخوا ٹی 8 ہزار 116، اسلام آباد اٹی 3ہزار 636، بلوچستان اٹی 1 ہزار 391، گلگت بلتستان اٹی 413، آزاد کشمیر اٹی 642ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 8 لکھ 41 ہزار 241مسنے۔ بلوچستان، آزاد کشمیر و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کوویڈ۔ 19 کن جتا وینٹی لیٹرآتیا 448 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 59 ہزار 33 ءِ۔ مچ آ ملک اٹی کورونا دین آن زہمی بندغ آتا کچ 9 لکھ 21 ہزار 53ءِ ہرافتیان آزاد کشمیر اٹی 19 ہزار 232، بلوچستان اٹی 25 ہزار 148، گلگت بلتستان اٹی 5 ہزار 578، اسلام آباد اٹی 81 ہزار 195، خیبرپختونخوا ٹی 1 لکھ 32 ہزار 549،م پنجاب اٹی 3 لکھ 39 ہزار 686و سندھ اٹی 3 لکھ 17 ہزار 665 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 20 ہزار 779ءِ ہرافتیان سندھ اٹی 5 ہزار 20 مرک وخت اس کہ تدوک آ 24 گھنٹہ ٹی 4 ناجوڑ ہسپتال آتے ٹی وخت اس کہ 2 ناجوڑ اُراٹی قرنطینہ ٹی دادین آن زوال کریر۔ پنجاب اٹی 9 ہزار 999مرک وخت اس کہ تدوک آ 24 گھنٹہ ٹی 17 ناجوڑ ہسپتال آتے ٹی دادین آن زوال کریر، خیبرپختونخوا ٹی 4 ہزار 73 وخت اس کہ تدوک آ 24 گھنٹہ ٹی 13 ناجوڑ ہسپتال آتے ٹی دادین آن زوال کریر، اسلام آباد اٹی کل 760مرک وخت اس کہ تدوک آ 24 گھنٹہ ٹی 3 ناجوڑ ہسپتال آتے ٹی دادین آن زوال کریر، بلوچستان اٹی کل 277 مرک وخت اس کہ تدوک آ 24گھنٹہ ٹی 1 ناجوڑ اس ہسپتال اٹی دادین آن زوال کرے، گلگت بلتستان اٹی 107 مرک، آزاد کشمیر اٹی دادین آن 543مرک وخت اس کہ تدوک آ 24 گھنٹہ ٹی 3ناجوڑ ہسپتال آتے ٹی دادین آن زوال کریر، داتم اسکان مچ آ ملک اٹی کوویڈ۔ 19 نا 1 کروڑ 32 لکھ 21ہزار 581ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 639ہسپتال آتے ٹی 4 ہزار 280 ناجوڑ درمان مننگ ءُ۔

متعلقہ مضامینمصنف کی طرف سے مزید