اسلام آباد۔ 23مارچ (اے پی پی) بنجائی دارالحکومت اٹی یوم پاکستان نا پریڈنا وخت آ سیکورٹی نا گچین بست و بند کننگاسس۔ پریڈ گراﺅنڈ نا کنڈآ و پترینگوک و پیش تموک کسر تیا پاک فوج انا ورناک پولیس و کانود نافذ کروک آ ادارہ غاتا شانہ بشانہ فرض سرانجام تسر۔ پنچ شنبے نا دے یوم پاکستان نا پریڈ نا وخت آ بنجائی دارالحکومت نا پترینگوک و پیش تموک کسر تیا جاڑانگا شار تا پولیس آن بیدس پاک فوج انا ورناک ہم متعین ئسر۔ شاری تے شناخت و گاڈی تا جانچ پڑتال و پٹنگ آن پد شار اٹی پترینگ انگ نا موکل تننگا وخت اس کہ پریڈ اٹی شرکت کن ہنوک آتا راہشونی کن ٹریفک پولیس نا کارندہ غاک ہم بھلو کچ اسے ٹی جتا شاہراہ و کسر تیا تعینات ئسر ہراکسرتا بابت شاری تا راہشونی ئِ کرسا و بند کسرتیا ہِننگ آن تورساکریر۔
