اسلام آباد۔ 30مئی (اے پی پی) وزیر مملکت حوالکاری و شینکاری فرخ حبیب پارینے کہ وزیراعظم عمران خان نا خاص پارت آ ایف بی آر اٹی اصلاحات نا سوب آن سیلز خراج کولیکشن اٹ 28 درسد، اسمگلنگ نا توننگ تون اوار ایلو گام گیج آتا کسٹمز ریونیو ٹی 18 درسد ودکی مس۔ وزیر مملکت حوالکاری و شینکاری فرخ حبیب تینا ٹویٹ اٹی پارے کہ فیڈرل ایکسائز ڈیوٹی ٹی 11.5درسد ودکی، پوسکن آ خراج فائلرآتا کچ اٹی ودکی نا سوب آن دوئی مروک آ ریونیوٹی 54درسد ودکی مس۔ اوپارے کہ ن لیگ نا آخیریکو سال 2017-18ء ٹی60ارب ڈالر نا درآمد آتیا ریونیو، ایمنسٹی اسکیم و ریفنڈ زتورسا بیرہ 3840ارب خراج جمع کریسس۔ پاکستان تحریک انصاف نا حکومت 216ارب روپئی ریکارڈ ریفنڈز پدی تس۔ 20 درسد درآمد آتے ٹی کمتی آن پد ہم داسال 11 تُواٹی 4140ارب روپئی ریکارڈ خراج جمع کرے۔
