اسلام آباد۔ 30مئی (اے پی پی) پاکستان نا موسمیاتی بدلی تا سوب آن مروک آ گرین ہاؤس گیس آتا اخراج اٹ بشخ مفننگ نا بریبر ءِ وخت اس کہ داناشمار دنیا نا غٹ آن زیات زہمی 10ملک آتیٹی مریک اوکان پد ہم وزیراعظم عمران خان نا حکومت گلوبل وارمنگ و ماحولیاتی انحطاط نا سوب ودی مروک آ جہانی چیلنج آتون مون تننگ کن بھلو و انقلابی گام گیج کرینے۔ ملک اٹی چاگڑد ءِ ساف ستھراو سرسوز کننگ و قدرتی ماحول نا رکھ و بحالی کن ٹین بلین ٹری سونامی پروگرام،پروٹیکٹڈ ایریاز پروجیکٹ، کلین گرین پاکستان انڈیکس وچیمپیئنز پروگرام، گرین اکنامک سٹیمولس(سوزروزگار)، کچٹی نا سوب آن مروک آ پولی تھین بیگ آتیا پابندی، خشت آتا روایتی بھٹہ غاتے زگ زیگ ٹیکنالوجی آ گدریفنگ،نیشنل ایڈاپٹیشن پلان نا ٹہیفنگ،ایکوسسٹم نا بحالی، ریچارج پاکستان و الیکٹرک گاڈی درستی راستی کرفنگ کون آ ڈٹ و پالیسی گام گیج آک اوار ءُ۔ قدرتی ماحول نا رکھ و بحالی نا کوشست واوفتا سرسہبی تا بابت پاکستان نا قائدانہ کڑد انا جہانی کہول آ اعتراف ءِ کننگ انگ ءِ۔ داپس منظر اٹ پاکستان ءِ داسال جہانی یوم ماحولیات 2021نا مہمانداری نا شرف ءِ تننگانے۔ پاکستان اقوام متحدہ ناپروگرام ماحولیات(یواین ای پی) نا شریداری اٹ 5جون آ جہانی یوم ماحولیات نامہمانداری ءِ کیک۔ حکومت پاکستان نا کنڈآن قدرتی ماحول نا بحالی و رکھ و ویل آتا ایسری کن قدرتی وڑوڈول آتے کاریم اٹ اتنگ نا کوشست برجاءِ۔
