اسلام آباد۔ 30مئی (اے پی پی) وزیراعظم نا خصوصی کمکار سیاسی مواصلات ڈاکٹر شہباز گل پارینے کہ مسلم لیگ (ن) نا نابود حکومت 19.2بلین ڈالر ناکرنٹ اکاؤنٹ نسخان(سی اے ڈی) ہلساہنا ہرا ساڑی حکومت نا متحرک پالیسی تا سوب آن اینو773ملین ڈالر فاضل ءِ۔ یک شنبے نادے آ پاکستان مسلم لیگ (ن) ناترجمان مریم اورنگزیب نا بیان آردعمل نا درشانی ءِ کرسا اوپارے کہ مسلم لیگ (ن) نادرباری تتون بڑزکو درجہ نا دروغ و تکبر ءِ۔ اوپارے کہ مسلم لیگ ن تینا پنچ سال انا دور حکومت اٹ برآمدآتا جنازہ ءِ کشارہلار۔ ڈاکٹر شہباز گل پارے کہ کوویڈ۔ 19نا دین انا حالیت آتیان پد ہم ملکی برآمد آتے ٹی 13.5درسد نا ودکی مسنے ہرا 21ارب ڈالر اسکان رسینگانے۔ اوپارے کہ ن لیگ نا نابود حکومت زرمبادلہ ناکوڑی تے 18 ارب آن کم کرسا 7 ارب کرے وخت اس کہ اینو ملکی زرمبادلہ نا جم کوڑی 23ارب ڈالراسکان سرمسنے۔ اوپارے کہ پیشن نا ملک رہینگوک آ پاکستانی تا پت انا سوب آن ترسیلات زرہم 24.2ارب اسکان سرمسنے۔ اومستی پارے کہ زرگزران نا بحالی ءِ خنسا نابود درباری تا نن نا تغ حرام مسنے۔ اوپارے کہ ساڑی دور حکومت اٹ کاروبار ہم بحال مسنے و صں عت آک ہم پورو وڑاٹ چلینگانو۔
