اسلام آباد۔ 30مئی (اے پی پی) وزیراعظم نا سلاہکار واپار عبدالرزاق داؤد پارینے کہ اینخو مالی سال 10تُواٹی آئی سی ٹی و ٹیلی کام نا بشخ انا برآمد آتے ٹی 46درسد ودکی مسنے۔ اسہ ٹویٹ اسے ٹی اوپارے کہ جولائی 2020ء آن اپریل 2012ء ٹی انفارمیشن ٹیکنالوجی و ٹیلی کام نا بشخ انا برآمدات 46درسد ودکی اتون 1.70بلین ڈالر ئسر ہرا تدوک آمالی سال انا ہندا مد اٹی 1.17بلین ڈالرریکارڈ کننگاسر۔ اوپارے کہ اپریل 2021اٹی ہندا بشخ آتا برآمدات66 درسد ودکی اتون 196ملین ڈالر ئسر ہراتدوک آ مالی سال انا ہند امد اٹی 118ملین ڈالر ئسر اوپارے کہ پاکستان نا تاریخ اٹی اولیکو وار آئی سی ٹی و ٹیلی کام نا بشخ انا برآمدات 2 ارب ڈالرناخڑک مریرہ اوٹیلی کام بشخ انابرآمدکنندگان تے باورکرفے کہ وزارت واپار اوفتے تون ہروڑاٹ کمک کیک۔
