اسلام آباد۔ 30مئی (اے پی پی) بنجائی وزیر حوالکاری و شینکاری چوہدری فوادحسین پارینے کہ پیپلزپارٹی و نون لیگ زرگزران نا ہراحشر ءِ کریر اونا نتیجہ ٹی زرگزرانی تکلیف تون مون تروئی تما، اسہ بھلو انتظار اسے آن پد زرگزرانی پالیسی تا مثبت بھرم مون آ بننگ بناکرینے، ملک اٹی تاریخ اٹی اولیکو وار چار ہزار روپئی آن زیات خراج یکجامس۔ یک شنبے نادے آ تینا اسہ ٹویٹ اسے ٹی اوپارے کہ پیشن نا ملک پاکستانیک زرگزران ءِ نت تیا سلفنگ نا داکوشست اٹی پبی بشخ شاغار و 1000ار ب روپئی پاکستان آ مون تسر۔ بنجائی وزیر حوالکاری پارے کہ خولم، برنج، گنڈیری و مکئی نا تاریخی پیدوار مس، کشاری زرگزران اٹی 1100ارب روپئی منتقل مس، داڑآن بزغرآتا ہلنگ نا وس اٹی پبی ودکی مس۔ ٹریکٹر 64درسد زیات بہامس، کھد و کشاری دوائی تا کاریم اٹ اتنگ اٹ ودکی مس۔ اوپارے کہ اسٹاک مارکیٹ 27 مئی آ 2.21ارب شیئرآتا ہلنگ و بہاکننگ آ ن پوسکن ءُ ریکارڈ اس جوڑکریر۔ داوخت آ پاکستان نا مارکیٹ دنیا نا گچین مارکیٹ ءِ۔ چوہدری فواد حسین سوج کرے ہمووخت ہراتم زرگزران بڑزاہِننگ ءِ و لس بندغ نا حالیت بدل مننگ ءِ، اپوزیشن برانز نا کال انت اکن تننگ ءِ؟ داوڑنا سیاست نا فائدہ دیر ءِ مریک۔
