لاہور۔ 30مئی (اے پی پی) وزیراعظم نا خصوصی کمکار مذہبی ہم آہنگی علامہ محمد طاہر اشرفی پارینے کہ فلسطین نا ویل آ ہراپاکستان ناموقف ئس اودے غٹ پاکستانیک تحسین نا نظراٹ ہرار، فلسطین آ پاکستان نا موقف ءِ قائد اعظم ؒ پاکستان نا جوڑ مننگ نا وخت آ ہی تسوسس، اینو اسرائیل بیرہ پاکستان آ پوہاڑ کننگ ءِ، پاکستان فلسطین تون ہمووخت اسکان سلوک ءِ ہراتم اسکان آزاد فلسطین ریاست نا بنداو ءِ تخنگپک والقدس شریف ءِ اونادارالحکومت جوڑ کننگپک، تدوک آ ہفت تُواٹی مذہبی توہین نا اسہ ہم واقعہ اس پیش بتنے۔ داخیال آتا درشانی ءِ او لاہور اٹی متحدہ علمابورڈ پنجاب نا دیوان آن پد میڈیا تون گپ وتران کرساکرے۔ اوپارے کہ پاکستان ماحولیات نا اعتبار اٹ مچ آ دنیا نا مہمانداری ءِ کننگ ءِ، حکومت نا بلین ٹری ویژن ءِ پورو کننگ کن عالم دین و خطیب آک مخلوق ءِ درخت خلنگ نا ترغیب ایتر۔ اوپارے کہ وقف املاک ایکٹ آ غٹ مخلوق نا گڑتی ءِ ہرافتیان وزیراعظم بنجائی وزیر مذہبی امور پیر نورالحق قادری ناکماشی ٹی کمیٹی اس جوڑ کرینے، زوت غٹ باندات آتے جوانی اٹ ایسر کننگک۔ اوپارے کہ اسد طور آ جلہو کروک آتے بایدے ہلنگے،مظلوم تون تفوک اُن ولے کس انا ایجنڈا ءِ چلینگ کن الیپنہ۔
