اسلام آباد۔29مئی (اے پی پی): مزن وزیر عمران خان ءِ نوٹس زورگ ءِ پد ءَ ڈن ملکی شہری ءَ را 8 سال پد انصاف رستگ، ڈن ملک ءَ نندوکیں پاکستانی ءَ سیٹیزن پورٹل ءِ سر ءَ شکاست کنگ ءِ پد ٰءَ مزن وزیر ءَ نوٹس زرتگ، پٹ ءُ پول ءَ چہ پد مزن وزیر ءِ حکم ءِ پد ءَ اسلام آباد لینڈ ریونیو ءِ اپسرگ آنی ھلاپ ءَ ترندیں کاروائی کنان ءَ ڈپٹی رجسٹرار کوآپریٹو سوسائیٹیز اسلام آباد ءَ را زوتیں چہ اُگدہ ءَ ایر ءِ کتگ۔
مزن وزیر ڈیلیوری یونٹ ءِ نیمگ ءَ جاڑی بوتگیں بیان ءِ رد ءَ ڈن ملکی شہری ءِ شکاست ءِ پد ءَ کاروائی کنان ءَ اسلام آباد سرکل رجسٹرار کارگس ء، ھلاپ ءَ انکوائری کنگ بوتگ ءُ ڈپٹی رجسٹرار کوآپریٹو ءَ را اگدہ ءَ چہ در کنگ ءَ ابید چیف کمشنر ءَ را وزارت ءِ تہی کار ءَ چہ سرکل رجسٹرار ءَ را سسپنڈ کنگ ءِ سفارش ھم کتگ۔ ایشی ءَ چہ ابید انسپیکٹر کوآپریٹیو سوسائیٹیز ءَ را ھم اگدہ ءَ چہ در کتگ۔ ایشی ءَ ابید ہاوسنگ سوسائٹی ءَ را شوکاز نوٹس جاڑی کنان ءَ بینک اکاونٹس ھم فریز کتگ انت۔
سرکل رجسٹرار کارگس ءِ سیادی داروکیں کلرک ءَ را ھم نوکری ءَ چہ در کتگ۔ مزن وزیر کارگس ءِ رد ءَ ڈن ملکی نندوکیں پاکستانی ءَ پلاٹ ٹرانسفر ءِ ھوالگ ءَ مزن وزیر ءَ را شکاست کتگ بوتگ، سرکل رجسٹرار کارگس ءَ شہری ءِ شکاست ءِ پد ءَ ایشرا دلبڈیں پسو نہ کتگ ایشی ءِ پد ءَ مزن وزیر ڈلیوری یونٹ ءِ پنت ءُ شون ءِ پد ءَ چیف کمشنر ءَ شکاست ءِ سر ءَ انکوائری کت۔ چیف کمشنر کارگس ءَ سیادی داروکیں اپسرگ ءِ سسپنڈ ءُ در کنگ ءِ نوٹیفیکیشن جاڑی کتگ انت۔
